ەرەجەدە كوزدەلگەندەي, اي سايىن, ەسەپتى اي باستالعانعا دەيىن 15 جۇمىس كۇنىنەن كەشىكتىرمەي وبلىستاردىڭ, رەسپۋبليكالىق ماڭىزى بار قالالاردىڭ, استانانىڭ اكىمدىكتەرى, «اتامەكەن» ۇلتتىق كاسىپكەرلەر پالاتاسى ۋاكىلەتتى ورگانعا تاۋاردىڭ ءاربىر ءتۇرى بويىنشا ءوندىرىستىڭ, تۇتىنۋدىڭ جوسپارلانعان كولەمى, قورلاردىڭ جانە ەكسپورتتىڭ بولۋى تۋرالى شوعىرلاندىرىلعان اقپاراتتى ۇسىنادى.
ۋاكىلەتتى ورگان اي سايىن ەسەپتى اي باستالعانعا دەيىن 12 جۇمىس كۇنىنەن كەشىكتىرمەي اكىمدىك پەن «اتامەكەن» ۇكپ ۇسىنىستارى نەگىزىندە ءوندىرىس, تۇتىنۋ تەڭگەرىمىنە, قورلاردىڭ بولۋىنا سۇيەنە وتىرىپ, تاۋارلاردىڭ ءاربىر ءتۇرى بويىنشا مىناداي اقپاراتتى ەسەپتەيدى جانە رەسمي ينتەرنەت-رەسۋرستا جاريالايدى:
- تاۋارلاردى اكەتۋگە كۆوتا الۋعا وتىنىمدەر قابىلداۋ تۋرالى حابارلاندىرۋ;
بولۋگە جاتاتىن كۆوتا كولەمى; - بولۋگە جاتاتىن تاۋارلار ەكسپورتىنىڭ شەكتى كولەمىنە پايىزدىق قاتىناستا كورسەتىلگەن ءبىر وتىنىمگە ارنالعان ليميت (بەلگىلەنگەن كەزدە);
- تىركەلگەن باعانى كورسەتە وتىرىپ, قر ىشكى نارىعىنا كەپىلدەندىرىلگەن جەتكىزىلىمدەردىڭ كولەمى (بەلگىلەنگەن كەزدە);
- وتىنىمدەردى قابىلداۋدىڭ باستالۋ جانە اياقتالۋ كۇنى مەن ۋاقىتى;
- وتىنىمدەردى قابىلداۋدى جۇزەگە اسىراتىن ۋاكىلەتتى ورگاننىڭ جاۋاپتى ادامىنىڭ ەلەكتروندىق مەكەنجايى جانە بايلانىس تەلەفونى.
ۋاكىلەتتى ورگان الىنعان وتىنىمدەردى ولاردىڭ تولىق تولتىرىلۋىن ء(وتىنىم نىسانىندا كوزدەلگەن بارلىق قاجەتتى اقپارات پەن قۇجاتتاردىڭ بولۋىن, سونداي-اق وتىنىمدە جانە وعان قوسا بەرىلەتىن قۇجاتتاردا ءوتىنىش بەرۋشىنىڭ ءبىرىنشى باسشىسىنىڭ نە وكىلەتتىكتەرىن راستايتىن ءتيىستى قۇجات نەگىزىندە وزگە دە لاۋازىمدى ادامنىڭ قولىنىڭ بولۋىن) تەكسەرەدى.
بەلگىلەنگەن نىسانعا سايكەس كەلمەيتىن, تولىق ەمەس نەمەسە دۇرىس ەمەس اقپاراتى بار, بەلگىلەنگەن مەرزىم وتكەننەن كەيىن بەرىلگەن وتىنىمدەر قارالمايدى.
ەنگىزىلگەن قاعيدالارعا سايكەس, قازاقستان رەسپۋبليكاسىنىڭ اۋماعىنان اكەتۋگە ارنالعان كۆوتانى بولۋگە سىرتقى ساۋدا قىزمەتىنە قاتىسۋشىلار قازاقستان رەسپۋبليكاسىنىڭ اۋماعىنان اكەتۋگە جوسپارلاناتىن جانە بەلگىلەنگەن باعالار بويىنشا ۇقساس تاۋارلاردىڭ بەلگىلى ءبىر سانىن ىشكى نارىققا كەپىلدى جەتكىزۋ تۋرالى مىندەتتەمەلەر قابىلداعان جاعدايدا جىبەرىلەدى.
بۇيرىق 2022 جىلعى 1 اقپانعا دەيىن قولدانىلادى. ونىڭ تولىق نۇسقاسىن مىنا سىلتەمە ارقىلى كورۋگە بولادى.
