شىلدە ايىندا «جۇمىسىنان ايىرىلعان جاعدايدا تولەنەتىن الەۋمەتتىك تولەمدى تاعايىنداۋ» پرواكتيۆتى مەملەكەتتىك قىزمەتى ىسكە قوسىلدى.
«سوڭعى اي ىشىندە پرواكتيۆتى فورماتتا قىزمەت الۋعا كەلىسكەن ادامداردىڭ سانى 18%-دان 29%-عا دەيىن ءوستى», دەپ جازادى مينيسترلىك ءباسپاسوز قىزمەتى.
قازىرگى ۋاقىتتا پرواكتيۆتى تۇردە كورسەتىلەتىن مەملەكەتتىك قىزمەتتەردى كورسەتۋ پروتسەسىنە رەينجينيرينگ جۇرگىزىلۋدە.
«ماۋسىم ايىندا «بالا تۋىنا بايلانىستى جانە ءبىر جاسقا دەيىنگى بالا كۇتىمى بويىنشا جاردەماقىلار تاعايىنداۋ» مەملەكەتتىك قىزمەتى جەڭىلدەتىلگەن فورماتتا ىسكە قوسىلدى, بۇل بەلسەندى تۇردە تاعايىندالعان تولەمدەر سانىن 10%-دان 37%-عا دەيىن ارتتىردى. جىل سوڭىنا دەيىن بۇل كورسەتكىش 50%-عا جەتەدى دەپ كۇتىلۋدە», دەپ حابارلادى ۆەدومستۆو.
سونداي-اق, جىل سوڭىنا دەيىن كەلەسى قىزمەتتەردى وڭتايلاندىرۋ جوسپارلانۋدا:
- اسىراۋشىسىنان ايىرىلعان جاعدايدا الەۋمەتتىك تولەم تاعايىنداۋ;
- اسىراۋشىسىنان ايىرىلعان جاعدايدا مەملەكەتتىك الەۋمەتتىك جاردەماقى تاعايىنداۋ;
- ەڭبەك قابىلەتتىلىگىنەن ايىرىلعان جاعدايدا الەۋمەتتىك تولەم تاعايىنداۋ;
- مۇگەدەكتىگى بويىنشا مەملەكەتتىك الەۋمەتتىك جاردەماقى تاعايىنداۋ;
- «التىن القا», «كۇمىس القا» القالارىمەن ماراپاتتالعان نەمەسە بۇرىن «باتىر انا» اتاعىن العان, «انا داڭقى» وردەندەرىمەن ماراپاتتالعان كوپ بالالى انالارعا مەملەكەتتىك جاردەماقى تاعايىنداۋ.
