«ەلىمىزدە ۇزاققا سوزىلعان قۇرعاقشىلىقتىڭ سالدارىنان ەگىستىك القاپتارى زارداپ شەكتى: اپتاپ ىستىق كۇن مەن قۇرعاق جەل ەگىنگە جانە فەرمەرلەردىڭ جاقسى ءونىم الۋعا مۇمكىندىك بەرمەدى. قۇرعاقشىلىق فاكتىلەرى Qoldau.kz سايتىندا Agroinsurance جۇيەسىمەن سپۋتنيك مالىمەتتەرى نەگىزىندە اۆتوماتتى تۇردە تىركەلەدى. وسىلايشا, ساقتاندىرۋ جاعدايلارى تىركەلىپ, كەلىسىم-شارتقا وتىرعان فەرمەرلەر ساقتاندىرۋ تولەمدەرىن الىپ جاتىر», دەلىنگەن حابارلامادا.
بۇعان دەيىن ۆدەومتسۆو, توپىراق ىلعالدىلىعى جەتىسپەۋشىلىگى يندەكسىنىڭ ءبىرىنشى فازاسى بويىنشا جاسالعان 32 ساقتاندىرۋ كەلىسىمشارتىمەن 5 وبلىستىڭ فەرمەرلەرىنە (اقمولا, شىعىس قازاقستان, قوستاناي, پاۆلودار, سولتۇستىك قازاقستان وبلىستارى) ساقتاندىرۋ كومپانيالارى 190,5 ملن تەڭگە تولەگەنىن حابارلادى. توپىراق ىلعالدىلىعى جەتىسپەۋشىلىگى يندەكسىنىڭ ەكىنشى فازاسى بويىنشا 38 ساقتاندىرۋ كەلىسىمشارتىمەن 3 وبلىس (اقمولا, قوستاناي, سقو) جانە نۇر-سۇلتان قالاسىنىڭ فەرمەرلەرىنە ساقتاندىرۋ كومپانيالارى 314,1 ملن تەڭگە كولەمىندە تولەم جاسادى. ءۇشىنشى فازا بويىنشا 5 وبلىستىڭ فەرمەرلەرى (اقمولا, شىعىس قازاقستان وبلىسى, قاراعاندى, قوستاناي, پاۆلودار وبلىستارى) توپىراق ىلعالدىلىعى تاپشىلىعى يندەكسى بويىنشا 56 ساقتاندىرۋ شارتىن جاساسقان بولاتىن. ولار ساقتاندىرۋ كومپانيالارىنان 224,4 ملن تەڭگە سوماسىندا تولەم الادى.
«جالپى, ءۇش فازا بويىنشا ساقتاندىرۋ تولەمدەرىنىڭ سوماسى 729 ملن تەڭگە. بۇل سوما فەرمەرلەردىڭ ساقتاندىرۋ پوليستەرىنە جۇمساعان شىعىندارىنان 565,5 ميلليون تەڭگەگە استى (729 مىڭ تەڭگە – 159,5 ملن تەڭگە)», دەلىنگەن حابارلامادا.
بيىل ساقتاندىرۋ كومپانيالارى توپىراق ىلعالدىلىعى تاپشىلىعىنىڭ يندەكستى ساقتاندىرۋ بويىنشا جاسالعان 100 كەلىسىمشارت اياسىندا جەتى وبلىستا جانە ەلوردادا 121,3 مىڭ گا اۋماقتى ساقتاندىردى. بۇل كەلىسىمشارتتار بويىنشا ساقتاندىرۋ سىيلىقاقىلارىنىڭ كولەمى 319 ميلليون تەڭگەنى قۇرادى, ونىڭ 159,5 ميلليون تەڭگەسىن فەرمەرلەر تولەدى, ال 159,5 تەڭگەنى اۋىل شارۋاشىلىعىن ساقتاندىرۋ سالاسىنداعى وپەراتور - اۋىل شارۋاشىلىعىن قارجىلاي قولداۋ قورى تولەدى.
