«قۇتقارۋشىلار, اسكەري قىزمەتشىلەر, دارىگەرلەر جانە جۇمىلدىرىلعان بارلىق ادامدار بەلسەندى جۇمىس ىستەۋدە. وكىنىشكە قاراي, زارداپ شەككەندەر سانى ارتىپ كەلەدى. بىراق, جاعداي باقىلاۋدا. تاراز قالاسى مەن اۋىل تۇرعىندارى سابىرلى ءارى ساق بولۋى كەرەك», دەپ جازدى مەملەكەت باسشىسى قاسىم-جومارت توقاەۆ تۋيتتەردە.
بۇعان دەيىن پرەزيدەنت جارىلىسقا جاقىن ماڭداعى اۋىلداردىڭ تۇرعىندارىن كوشىرۋ تۋرالى شەشىم قابىلدانعانى جايلى حابارلاعان بولاتىن. ونىڭ سوزىنشە, وبلىستىق تج دەپارتامەنتى مەن اسكەريلەردەن 30 شاقتى قىزمەتكەر جاراقات العان.
ايتا كەتەيىك, جامبىل وبلىسىنا قورعانىس, توتەنشە جاعدايلار مينيسترلەرى مەن ىشكى ىستەر ءمينيسترىنىڭ ورىنباسارى باردى.
