بۇگىندە عالىمدار رەسپۋبليكالىق ماڭىزى بار جولداردىڭ التى ۋچاسكەسىنە تالداۋ جۇرگىزۋدە.
زەرتتەۋلەر جول جامىلعىسى قاباتتارىنىڭ قوزعالىس قارقىندىلىعى مەن قۇرامىنا, سونداي-اق, كليماتتىق جانە توپىراق-گيدرولوگيالىق جاعدايلارعا بايلانىستى كولىك جۇكتەمەلەرىنىڭ ناتيجەسىندە بەرىكتىگىنىڭ, تۇيىرشىكتىك قۇرامىنىڭ, تىعىزدىعىنىڭ وزگەرۋىن انىقتاۋ ءۇشىن جۇرگىزىلەدى. بۇل جول توسەمىنىڭ پايدالانۋ سيپاتتامالارىن زەردەلەۋگە, نورماتيۆ تالاپتارىنا سايكەستىگىن تەكسەرۋگە جانە قۇرىلىس كەزىندە مەردىگەر ۇيىمداردىڭ باستاپقى دەرەكتەرىمەن سالىستىرۋعا مۇمكىندىك بەرەدى.
بۇگىندە عالىمدار ەلىمىزدىڭ بەس وبلىسىندا "اقتوبە-اتىراۋ", "پەتروپاۆل-رەسەي فەدەراتسياسى شەكاراسى", "نۇر-سۇلتان قالاسىنىڭ وڭتۇستىك-باتىس اينالما جولى", "قالباتاۋ-مايقاپشاعاي", "قوستاناي-اۋليەكول-سۇرعان" جانە "قوستاناي – رف شەكاراسى ەكاتەرينبۋرگكە" دەيىنگى ۋچاسكەلەرىندە جۇمىس ىستەپ جاتىر.
الىنعان دەرەكتەردىڭ نەگىزىندە ۆەدومستۆولىق نورماتيۆتىك-تەحنيكالىق قۇجاتتى ازىرلەۋ جوسپارلانۋدا.
