جەرگىلىكتى ۇكىمەت مۋرسيانىڭ وڭتۇستىگىندە ورنالاسقان مار مەنورادا بالىقتىڭ قىرىلۋىنا جاقىن كۇندەرى بولعان ىستىق اۋا رايىن سەبەپ قىلعان. الايدا عالىمدار جەرگىلىكتى اۋىل شارۋاشىلىعىنىڭ قورشاعان ورتانى لاستاۋى سۋدىڭ ساپاسىن ناشارلاتتى دەگەن پىكىردە. ماسەلەنىڭ ءمان-جايىن انىقتاۋ ءۇشىن قۇقىق قورعاۋ سالاسىنىڭ وكىلدەرى ارنايى تەرگەۋ جۇرگىزىپ جاتقان كورىنەدى. ال تۇرعىندار بولسا كىنالىلەردى تاۋىپ, ء تيىستى شارا قولدانۋدى تالاپ ەتىپ نارازىلىق اكتسيالارىن وتكىزدى.
يسپاندىق بۇقارالىق اقپارات قۇرالدارىنىڭ حابارلاۋىنشا, ورتالىق ۇكىمەت مار مەنوردى اپات ايماعى دەپ جاريالاۋ تۋرالى ءوتىنىشتى قاراستىرۋدا. بۇل سۇرانىستى كوپتەگەن جىل بويى ەكولوگيالىق پروبلەمالاردان زارداپ شەككەن لاگۋنانى قۇتقارۋ جونىندەگى قىسىمعا قالعان جەرگىلىكتى بيلىك وكىلدەرى جىبەرىپ وتىر.
يسپانيانىڭ جەرورتا تەڭىزىنىڭ وڭتۇستىك-شىعىس جاعالاۋىندا ورنالاسقان لاگۋنادا ءبىر كەزدەرى تۋريزم جاندانىپ, كەلۋشىلەر كوپ بولعان, سونداي-اق وسى ايماقتى مەكەن ەتكەن تەڭىز جانۋارلارىنىڭ سانى دا از بولماعان. الايدا سوڭعى جىلدارى سۋدىڭ ساپاسى ناشارلاپ, ايماقتىڭ ەكوجۇيەسى كۇردەلى ماسەلەلەرگە تاپ بولعان. سالدارىنان وسىعان دەيىن دە, 2016 جانە 2019 جىلدارى بالىقتىڭ جاپپاي قىرىلۋىنا جول بەرىلگەن.
