ەلوردا • 25 تامىز، 2021

بقو-دان نۇر-سۇلتانعا 120 توننا اۋىل شارۋاشىلىعى ءونىمى كەلەدى

68 رەت كورسەتىلدى

وسى دەمالىس كۇندەرى، ياعني 28 جانە 29 تامىزدا «حان شاتىر» سوو جانىنداعى الاڭدا باتىس قازاقستان وبلىسى تاۋار وندىرۋشىلەرىنىڭ قاتىسۋىمەن كەزەكتى اۋىل شارۋاشىلىعى جارمەڭكەسى وتەدى، دەپ حابارلايدى نۇر-سۇلتان قالاسى اكىمدىگىنىڭ رەسمي سايتى.

جارمەڭكەگە جالپى كولەمى 120 توننا بولاتىن باتىس قازاقستان وبلىسىنىڭ اۋىل شارۋاشىلىعى تاۋارىن وندىرۋشىلەردىڭ ءونىمى ۇسىنىلادى. ونىڭ ىشىندە 65 توننا سيىر ەتى مەن جىلقى ەتى، 15 توننا شۇجىق جانە كونسەرۆى ونىمدەرى، 5 توننا جاڭا بالىق، 20 توننا ۇن جانە ماكارون ونىمدەرى، 5 توننا وسىمدىك مايى، 3 توننا ءسۇت ونىمدەرى، 5 توننا ءتۇرلى سۋسىندار، 2 توننا كونديتەرلىك ونىمدەر، 36 مىڭ جۇمىرتقا بار. جارمەڭكەگە 80 تاۋار ءوندىرۋشى قاتىسادى.

جارمەڭكەدەگى باعالار ءداستۇرلى تۇردە نارىقتىق باعادان 10-20%-عا ارزان بولادى. بۇل ەلوردا تۇرعىندارى مەن قوناقتارىنا ءونىمدى قولايلى باعامەن ساتىپ الۋ ءۇشىن جاسالىپ وتىر.

جارمەڭكەگە كەلۋشىلەر سانيتارلىق-گيگيەنالىق تالاپتاردى قاتاڭ ساقتاۋى كەرەك: ماسكا تاعۋ، قاشىقتىقتى ساقتاۋ جانە انتيسەپتيكتەردى قولدانۋ.

سوڭعى جاڭالىقتار

دوللار ارزاندادى

قارجى • كەشە

ۇقساس جاڭالىقتار