ەلوردا • 25 تامىز، 2021

ەلوردادا 3 ملن شارشى مەتردەن استام تۇرعىن ءۇي سالۋ جوسپاردا

39 رەت كورسەتىلدى

نۇر-سۇلتان قالاسىنىڭ اكىمى التاي كولگىنوۆ قالا تۇرعىندارىنىڭ كوبەيۋىنە بايلانىستى تۇرعىن ءۇي قۇرىلىسىنا قاتىستى جوسپارلارىمەن ءبولىستى، دەپ حابارلايدى Egemen.kz.

«حالىق سانىنىڭ وسۋىنە بايلانىستى بىزدە قۇرىلىس جۇمىستارىنىڭ، اسىرەسە تۇرعىن ءۇي بويىنشا كولەمى قارقىندى وسۋدە. 2019 جىلى 1،8 ميلليون شارشى مەتر تۇرعىن ءۇي، 2020 جىلى 3 ميلليون شارشى مەتر تۇرعىن ءۇي سالىندى، 2021 جىلعى جوسپار بويىنشا 3،2 ميلليون شارشى مەتر تۇرعىن ءۇي تۇرعىزۋ كوزدەلگەن»، دەدى التاي كولگىنوۆ ءماسليحاتتىڭ كەزەكتەن تىس سەسسياسىندا.

ونىڭ ايتۋىنشا، بۇل - ۇلكەن جۇمىس كولەمى.

«بۇل - قوسىمشا جۇمىس ورىندارى، سالىقتار، قۇرىلىس يندۋسترياسىنىڭ دامۋى، جەرگىلىكتى قامتۋ. ءبىزدىڭ قۇرىلىس ماتەريالدارىن نەمەسە باسقا كومپونەنتتەردى، سونداي-اق تاۋارلار مەن قىزمەتتەردى شىعاراتىن جۇمىس كاسىپورىندارىمىز مەملەكەتتىك بيۋدجەت ەسەبىنەن عانا ەمەس، جەكە ينۆەستيتسيالار ەسەبىنەن دە كوپتەگەن تاپسىرىس الادى. قۇرىلىس جۇمىستارىنىڭ وسى كولەمىنىڭ 80%-دان استامى - جەكە ينۆەستيتسيالار»، دەپ اتاپ ءوتتى اكىم.

«بىرىنشىدەن، بۇل ءبىزدىڭ قالامىزدىڭ ەكونوميكالىق ديناميكاسىنا – سالىق تۇسىمىنە، جاڭا جۇمىس ورىندارىن قۇرۋعا، ءوندىرىستى دامىتۋعا جانە تاعى باسقاسىنا وڭ اسەر ەتەدى. سوندىقتان 3،2 ميلليون شارشى مەتر تۇرعىن ءۇيدى جىلۋمەن، سۋمەن، كارىزبەن، ينجەنەرلىك جەلىلەرمەن قامتاماسىز ەتىپ، اباتتاندىرۋ قاجەت»، دەپ تۇيىندەدى التاي كولگىنوۆ.

سوڭعى جاڭالىقتار

سىردىڭ سۋى تومەندەپ بارادى

ايماقتار • بۇگىن، 17:27

دوللار ارزاندادى

قارجى • بۇگىن، 16:56

الماتى ماڭىندا جەر سىلكىندى

ايماقتار • بۇگىن، 16:38

قازاقستاندا ەت قىمباتتادى

قوعام • بۇگىن، 15:10

ەلىمىزدە كيىك سانى كوبەيىپ كەلەدى

قازاقستان • بۇگىن، 14:41

ۇقساس جاڭالىقتار