وتكەن جىلدىڭ مامىر ايىندا «نۇر وتان» پارتياسىنىڭ الماتى قالالىق فيليالى جانىنداعى جەمقورلىققا قارسى كۇرەس قوعامدىق كەڭەسى الماتى قالاسى بويىنشا سوت اكتىلەرىن ورىنداۋ دەپارتامەنتىنىڭ جۇمىسىن قاراعان بولاتىن. الدىن الا تەكسەرۋ قورىتىندىسىندا كورسەتىلگەنىندەي, اتالعان دەپارتامەنتتە باسشىنىڭ تۇراقتاماۋى ء(بىر جىلدا ءۇش باسشى اۋىسقان), قارجى پوليتسياسى تاراپىنان دەپارتامەنتتىڭ بىرنەشە قىزمەتكەرىنە قىلمىستىق ءىستىڭ قوزعالۋى, پروكۋرورلىق قاداعالاۋ اكتىسىمەن 168 لاۋازىمدى قىزمەتكەردىڭ تارتىپتىك جاۋاپكەرشىلىككە تارتىلعانى, 65 ادامنىڭ جۇمىستان بوساتىلۋى (ونىڭ ىشىندە جۇمىس ءوتىلى 3 جىلدان جوعارى 46 سوت ورىنداۋشى), سول كەزەڭدە 19 سوت ورىنداۋشىنىڭ ورنى بوس تۇرعانى تىلگە تيەك ەتىلىپ, سىن تەزىنە ۇشىراعان ەدى. كەڭەس جۇمىسىنا قاتىسقان وسى جولداردىڭ اۆتورى «ەگەمەن قازاقستاننىڭ» وتكەن جىلعى №125 سانىندا «بارداك» دەگەن ماقالا جاريالاعان بولاتىن.
وتكەن جىلدىڭ مامىر ايىندا «نۇر وتان» پارتياسىنىڭ الماتى قالالىق فيليالى جانىنداعى جەمقورلىققا قارسى كۇرەس قوعامدىق كەڭەسى الماتى قالاسى بويىنشا سوت اكتىلەرىن ورىنداۋ دەپارتامەنتىنىڭ جۇمىسىن قاراعان بولاتىن. الدىن الا تەكسەرۋ قورىتىندىسىندا كورسەتىلگەنىندەي, اتالعان دەپارتامەنتتە باسشىنىڭ تۇراقتاماۋى ء(بىر جىلدا ءۇش باسشى اۋىسقان), قارجى پوليتسياسى تاراپىنان دەپارتامەنتتىڭ بىرنەشە قىزمەتكەرىنە قىلمىستىق ءىستىڭ قوزعالۋى, پروكۋرورلىق قاداعالاۋ اكتىسىمەن 168 لاۋازىمدى قىزمەتكەردىڭ تارتىپتىك جاۋاپكەرشىلىككە تارتىلعانى, 65 ادامنىڭ جۇمىستان بوساتىلۋى (ونىڭ ىشىندە جۇمىس ءوتىلى 3 جىلدان جوعارى 46 سوت ورىنداۋشى), سول كەزەڭدە 19 سوت ورىنداۋشىنىڭ ورنى بوس تۇرعانى تىلگە تيەك ەتىلىپ, سىن تەزىنە ۇشىراعان ەدى. كەڭەس جۇمىسىنا قاتىسقان وسى جولداردىڭ اۆتورى «ەگەمەن قازاقستاننىڭ» وتكەن جىلعى №125 سانىندا «بارداك» دەگەن ماقالا جاريالاعان بولاتىن.
ەلىمىزدەگى سوت ورىنداۋشىلاردىڭ جۇمىسىنداعى كەمشىلىكتەر, كەلەڭسىزدىكتەر جونىندە از ايتىلىپ جۇرگەن جوق. ايتىلعان اڭگىمەدەن شىعىپ جاتقان ناتيجە دە شامالى. تىلگە تيەك بولعان اتالمىش وتىرىستا سىنعا ۇشىراعان دەپارتامەنتتىڭ باسشىسى ا.اپيەۆ تە سويلەگەن بولاتىن. ول وسى وتىرىستا ايتىلعان سىنداردى قابىلدايتىنىن, مۇنداي كەمشىلىكتەردىڭ دەپارتامەنت جۇمىسىندا ورىن الىپ وتىرعانىن ايتا كەلە, ءوزىنىڭ بۇل قىزمەتكە جاڭادان تاعايىندالعانىن, الداعى ۋاقىتتا دەپارتامەنت جۇمىسىن جاقسارتۋعا بار كۇش-جىگەرىن جۇمسايتىنىن ايتىپ سەندىرگەن-ءدى. قوعامدىق كەڭەس بۇل ماسەلەگە قايتا ورالاتىنىن, جىل اياعىنا قاراي دەپارتامەنت جۇمىسىن قايتا تەكسەرەتىنى تۋرالى شەشىم قابىلداعان بولاتىن. دەگەنمەن, وتكەن جىلى بۇل شەشىم ورىندالماي قالدى. ەسەسىنە, دەپارتامەنت باسشىسى ا.اپيەۆ رەداكتسيامىزعا حابارلاسىپ, توعىز ايدا اتقارىلعان جۇمىس تۋرالى مالىمەتىن ۇسىندى.
«ۇستىمىزدەگى جىلدىڭ مامىر ايىندا «نۇر وتان» پارتياسىنىڭ الماتى قالالىق فيليالى جانىنداعى جەمقورلىققا قارسى كۇرەس قوعامدىق كەڭەسىندە مەن باسقارىپ وتىرعان الماتى قالالىق سوت اكتىلەرىن ورىنداۋ دەپارتامەنتىنىڭ جۇمىسىن قارالعان بولاتىن. وسى وتىرىستا سوت ورىنداۋشىلارىنىڭ جۇمىسى وتكىر سىنعا ۇشىراعان ەدى. تەكسەرۋ قورىتىندىسىندا كورسەتىلگەندەي, الدىڭعى 2012 جىل دەپارتامەنت ءۇشىن وتە قيىن جىل بولعانى راس. ماعان دەيىن ەكى باسشى اۋىستىرىلعان. توعىز قىزمەتكەرىمىز جەمقورلىق قىلمىسقا قاتىستى سوتتالعان. ورىندالعان قۇجاتتاردىڭ سانى ەكى ەسەگە ازايعان. 65 قىزمەتكەر ءارتۇرلى سەبەپتەرمەن قىزمەتىنەن بوساعان. مەنىڭشە, ماسەلەنىڭ بۇلاي ءوربۋى بىرنەشە وزەكتى پروبلەمالاردىڭ سالدارى – جۇمىس اۋقىمىنىڭ بىرتە-بىرتە كوبەيۋى, تومەن جالاقى, ەسكى جانە ماردىمسىز زاڭنامالار, ەڭبەك جاعدايىنىڭ ناشارلىعى دەپ بىلەمىن.
سول قوعامدىق كەڭەستە ۋادە بەرگەنىمدەي, مەن شەشىلمەي جاتقان ءبىراز پروبلەمالاردى قوزعاۋعا تىرىستىم. سول كەزدە بىزگە جاڭادان عيمارات بەرىلگەن. مەن وسى عيماراتتى جوندەۋ عانا ەمەس, قىزمەتكەرلەرىمىزگە لايىقتى جۇمىس ورنىن دايىنداۋعا نازار اۋداردىم. ەڭ باستىسى, قىزمەتكەرلەرگە دە كەلگەن ازاماتتارعا دا ىڭعايلى جۇمىس جاعدايىن ۇيىمداستىردىق. بۇكىل سوت ورىنداۋشىلاردىڭ بولمەلەرى كومپيۋتەرلىك تەحنيكامەن جابدىقتالدى جانە اقپاراتتىق-ىزدەستىرۋ جۇيەسىنە قوسىلدى. سوعان بايلانىستى قازىرگى كەزدە قاعاز قۇجاتتارىنىڭ اينالىمى ءبىراز قىسقاردى. ەندى بۇرىنعىداي ەمەس, سۇرانىس حاتتاردىڭ جاۋاپتارىن ەلەكتروندى ادىسپەن الۋعا بولادى. دەگەنمەن, بۇل باعىتتاعى جۇمىستاردى ءارى قاراي جەتىلدىرۋ قاجەت. وسى كۇنگە دەيىن بانكتەردىڭ مالىمەتتەرى جانە قوياتىن تىيىمداردى شەشۋ قاعاز جۇزىندە عانا ورىندالىپ كەلگەن.
سونداي-اق, بوس لاۋازىمدى قىزمەتكەرلەردىڭ ورنىنا پەرسپەكتيۆالىق قىزمەتكەرلەردى قابىلدادىق. ىشكى ءتارتىپتى كۇشەيتتىك. قولدانعان شارالاردىڭ ناتيجەسىندە اتقارۋشىلىق قاعازداردىڭ 30 پايىزدان استام كوبەيۋىنە قاراماستان, تولىق ورىندالعان اتقارۋ قۇجاتتارى ەكى ەسەگە دەيىن ءوستى. وتكەن جىلدارى مالىمەت بازاسىنا ەنگىزىلمەگەن اتقارۋ قۇجاتتارى بۇگىنگى كۇنى تولىق ەنگىزىلىپ, ارنايى ءىس-شارالار وتكىزىپ, مەملەكەتتىك بيۋدجەت پايداسىنا 20 مىڭنان استام اتقارۋ قۇجاتتارى ورىندالدى.
سوت ورىنداۋ جۇيەسىندەگى نەگىزگى پروبلەمانىڭ ءبىرى – اتقارۋ ءوندىرىسىنىڭ كوپتىگى ەكەنى راس. بىرنەشە جىلدان بەرى سوت ورىنداۋشىلارعا تۇسەتىن قۇجاتتاردىڭ كولەمى وسە تۇسۋدە. سول ۋاقىتتان بەرى قىزمەتكەرلەر كەرىسىنشە ەكى رەت 30 پايىزعا قىسقارتىلعان. قازىرگى كەزدە جەكە سوت ورىنداۋ ينستيتۋتى قۇرىلعانىنا قاراماستان, ءبىر مەملەكەتتىك سوت ورىنداۋشىنىڭ قۇزىرەتىندە مىڭنان استام قۇجاتتار بار. مەنىڭ ويىمشا, بۇل وزەكتى ماسەلەنى شەشۋ تەك سوت ورىنداۋشىلاردىڭ سانىن كوبەيتۋمەن شەشىلمەيدى. ءاربىر ازامات, مەملەكەتتىك قىزمەتكەر, اتقارۋ ورگاندارىنىڭ قيىنشىلىعىن, ماڭىزدىلىعىن ۇعىنۋ قاجەت. ايتىپ وتىرعانىمنان باسقا دا شەشىمىن تاپپاي وتىرعان ماسەلەلەر ءالى دە جەتەرلىك. وتكەن جىلى ادىلەت مينيسترلىگى سوت اكتىلەرىن ورىنداۋ كوميتەتىنىڭ كومەگىمەن ماتەريالدىق-تەحنيكالىق بازامىزدى ءبىراز نىعايتىپ الدىق. ماسەلەن, 2012 جىلى دەپارتامەنت بالانسىندا ءبىر عانا قىزمەتتىك كولىك بولسا, بۇگىنگى كۇنى بۇكىل 12 اۋماقتىق ءبولىمىمىز كولىكپەن قامتاماسىز ەتىلگەن.
«كوش جۇرە تۇزەلەدى» دەيدى حالىق دانالىعى. بۇگىنگى كۇنگە دەيىن توبەسىنەن سىن توقپاعى ارىلماي كەلە جاتقان سوت ورىنداۋشىلارىنىڭ جۇمىسى بىرتە-ءبىرتە جولعا قويىلىپ كەلەدى. ەڭ باستىسى, ايتىلعان سىننان ناتيجە شىعارۋدى قولعا الدىق. تىندىرىلعان شارۋا از ەمەس, اتقارىلار جۇمىستار دا جەتەرلىك».
جوعارىدا تىلگە تيەك ەتكەنىمىزدەي, جەمقورلىقپەن كۇرەس كوميسسياسىنىڭ الماتى قالاسى بويىنشا سوت ورىنداۋشىلار دەپارتامەنتىنىڭ جۇمىسىن قايتا قارايتىنى تۋرالى شەشىمى ورىندالماعانىمەن, سول دەپارتامەنتتىڭ ديرەكتورى ارمان اپيەۆتىڭ ءبىز جازعان ماقالاعا كوڭىل اۋدارىپ, ءوزى ۋادە ەتكەنىندەي اراعا ۋاقىت سالىپ حابارلاسىپ جاتۋى, وسى ارالىقتا تىندىرىلعان ىستەر جونىندە انىقتامانى ۇسىنۋى دەپارتامەنتكە جاڭادان كەلگەن جاس باسشىنىڭ جۇمىسقا دەگەن ىنتا-ىقىلاسىن بىلدىرگەندەي. ماسەلەن, كوپتەگەن باسشىلار وزدەرىنىڭ جۇمىسىنا قاتىستى ايتىلعان سىنعا نەمقۇرايلى قاراسا, ال ارمان اپيەۆتىڭ دەپارتامەنت جۇمىسىن سىناعان ماقالاعا قاتىستى ءوز پىكىرىن ءبىلدىرىپ جانە ايتىلعان ۋاقىت ىشىندە اتقارىلعان جۇمىستارى تۋرالى انىقتاما بەرۋى ونىڭ ءوز جۇمىسىنا دەگەن وڭ كوزقاراسىن بىلدىرسە كەرەك...
شارافاددين ءامىروۆ,
«ەگەمەن قازاقستان».
الماتى.
