مۋزەيدە سوعىس جىلدارىنداعى ەكسپوناتتار دا بار. سونداي-اق مۇندا مۋزىكالىق اسپاپتار, تەلەفون, فوتواپپارات, ىدىس, ءتىپتى ويىنشىقتارعا دەيىن قويىلعان. ءۇي ىشىنەن اشىلعان مۋزەيدە كەڭەس زامانىندا سانگە اينالعان يىسسۋلارعا دەيىن ساقتالعان. «كونە زاتتاردى ساقتاۋ ارقىلى ءبىز وتكەن تاريحقا بويلايمىز. سول كەزەڭدەردىڭ قۇندىلىقتارىن ەسكە تۇسىرەمىز. وتكەن مەن بۇگىندى سالىستىرۋعا ىقپال ەتەمىز», دەيدى قالا تۇرعىنى ميحايل پلاتوۆ. سونداي-اق, مۋزەي يەسى كەيبىر جادىگەرلەردى ساتىپ السا, كەيبىرىن ءوزى تاۋىپ العان. اراسىندا سىيعا العاندارى دا بار ەكەن. «مۇنىڭ بارلىعى كىشكەنە عانا قاسىق پەن شانىشقىدان باستالعان. سودان ءتۇرلى كونە زاتتاردى قوقىسقا تاستاماي, جيناي بەردىك. كەيىننەن تۋىستارىمىز بەن تانىستارىمىز كومەكتەسە باستادى. مۋزەيدى ارالاۋ تەگىن. اسىرەسە, جۇرتشىلىق سوعىس ۋاقىتىندا قولدانىلعان زاتتاردى ەرەكشە قىزىعۋشىلىقپەن تاماشالايدى ەكەن», دەيدى قالا تۇرعىنى سۆەتلانا پلاتوۆا.
مۇندا مۋزەي يەلەرى ءۇشىن قۇندى دۇنيە بولىپ سانالاتىن مايدان سولداتىنىڭ كۇندەلىگى دە بار ەكەن. پلاتوۆتار الداعى ۋاقىتتا مۋزەي اۋماعىن كەڭەيتۋدى جوسپارلاپ وتىر. ال بۇگىندە شاعىن بولمەدەگى مۋزەيگە جادىگەرلەردىڭ ءبىر بولىگى عانا قويىلعان.
جامبىل وبلىسى
