ينفوگرافيكانى جاساعان امانگەلدى قياس
قاۋىمداستىقتىڭ حابارلاۋىنشا, ەلىمىزدىڭ اۆتوونەركاسىپ سالاسى ماشينا جيىنتىقتارىنىڭ تاپشىلىعىنا جانە قىتاي ارقىلى تاسىمالداناتىن جۇك جەتكىزىلىمدەرىنىڭ شەكتەلۋىنە بايلانىستى قيىندىققا تاپ بولعان. دەگەنمەن رەسمي دەرەكتەر بويىنشا, اۆتوونەركاسىپ ماشينا جاساۋ سالاسىنىڭ 32 پايىزىن يەلەنىپ, سالانى دامىتۋدىڭ نەگىزگى درايۆەرى اتانىپ وتىر.
2021 جىلعى قاڭتار-شىلدەدە 40 674 جەڭىل اۆتوموبيل ء(وسىم 26,6 پايىز), 5 302 جۇك كولىگى ء(وسىم 52,1 پايىز), 705 اۆتوبۋس (ناتيجە 17,5 پايىزعا كەمىگەن), 376 تىركەمە جانە جارتىلاي تىركەمە, 119 باسقا دا مامانداندىرىلعان تەحنيكا شىعارىلعان.
قازاقستانداعى كاسىپورىنداردا وندىرىلگەن ەڭ تانىمال برەندتەر: Chevrolet (18 362 بىرلىك), Hyundai (14 322 بىرلىك), Kia (5 211 بىرلىك) JAC (3 253 بىرلىك), GAZ (2 456 بىرلىك), UAZ (940 بىرلىك), KAMAZ (824 بىرلىك), Lada (394 بىرلىك), Hyundai Trucks (301 بىرلىك) جانە Renault (294 بىرلىك).
بيىل 7 ايدىڭ قورىتىندىسى بويىنشا قوستانايداعى «سارىارقااۆتوپروم» كاسىپورنى 179,2 ملرد تەڭگەگە 28 670 تەحنيكا ء(وسىم 46,9 پايىز) ءوندىردى. الماتىداعى Hyundai Trans Kazakhstan كومپانياسى جالپى قۇنى 140,7 ملرد تەڭگە بولاتىن 14 274 جەڭىل اۆتوكولىك شىعاردى. سەمەيدەگى «سەماز» كاسىپورنى 21,4 ملرد تەڭگەگە 2 476 كوممەرتسيالىق تەحنيكا ء(وسىم 95 پايىز) قۇراستىردى.
بۇدان بولەك كوكشەتاۋداعى «كاماز-ينجينيرينگ» كومپانياسى 824 جۇك كولىگىن ء(وسىم 60,9 پايىز), Hyundai Trans Auto زاۋىتى 496 جۇك كولىگى مەن اۆتوبۋس ء(وسىم 165,2 پايىز), Daewoo Bus Kazakhstan كومپانياسى 146 اۆتوبۋس شىعاردى.
اۆتوموبيلدەر ەكسپورتى اۆتوونەركاسىپتى دامىتۋدىڭ باسىم باعىتى بولىپ وتىر. رەسەي, وزبەكستان, قىرعىزستان جانە بەلارۋس مەملەكەتتەرىنە 30,6 ملرد تەڭگەگە 4 533 اۆتوموبيل جونەلتىلدى. بۇل – وتكەن جىلمەن سالىستىرعاندا 27 پايىزعا جوعارى.
قازاقستاندا كولىكتى وندىرۋدەن بولەك, ەسكى كولىكتەردى جويۋعا تاپسىرۋ دا قارقىن العان. دەرەكتەرگە سۇيەنسەك, قازاقستاندىقتار ارنايى باعدارلاما باستالعان كۇننەن بۇگىنگە دەيىن 200 104 ەسكى كولىكتى جويۋعا تاپسىرعان. 2021 جىلدىڭ سەگىز ايىندا 25 958 جەڭىل اۆتوكولىك, 9 219 جولاۋشى جانە جۇك كولىكتەرى تاپسىرىلعان. جەڭىلدىك سەرتيفيكاتى باعدارلاماسى بويىنشا 2 315 اۋىلشارۋاشىلىق تەحنيكاسى قابىلدانعان. ونىڭ 1 830-ى – تراكتور, 485-ءى – كومباين.
قازاقستان بويىنشا ەسكى كولىكتى وتكىزۋدە شىمكەنت قالاسى كوش باستاپ تۇر. اتالعان شاھار تۇرعىندارى 38 496 كولىك وتكىزگەن. ودان كەيىنگى ورىندا الماتى, تاراز, قاراعاندى, پاۆلودار قالالارى جايعاسقان.
باعدارلاما جۇزەگە اسىرىلا باستاعان ۋاقىتتان بەرى 54 700 جەڭىلدىك سەرتيفيكاتى قازاقستاندا قۇراستىرىلعان 29 200 كولىكتى ساتىپ الۋعا پايدالىنىلعان. ەسكى كولىگىن جويۋعا تاپسىرعان قازاقستاندىقتارعا بەرىلگەن وتەماقى كولەمى 28 ملرد تەڭگەنى قۇراپ وتىر.
ەسكە سالا كەتەيىك, ەسكى كولىكتى جويۋعا قابىلداۋ باعدارلاماسى 2016 جىلدىڭ قاراشا ايىندا ىسكە قوسىلدى. باعدارلاما سۇرانىسىنا قاراي كولىك قابىلداۋ ءتارتىبى ەلەكتروندى جۇيەگە اۋىستىرىلدى. سونىمەن قاتار اۆتوكولىكتەرگە بەرىلەتىن اقشالاي وتەماقى مولشەرى ۇلعايتىلدى. جەڭىل كولىكتەر ءۇشىن 210 مىڭ (72 اەك), م2 جانە N1 ساناتىنداعى كولىكتەرگە 420 مىڭ (144 اەك) جانە م3 ساناتتاعى تەحنيكالارعا 630 مىڭ (216 اەك) تەڭگەگە دەيىن وتەماقى بەلگىلەندى.
بۇدان بولەك وتكەن جىلدىڭ قاراشاسىنان ىستەن شىققان اۋىل شارۋاشىلىعى تەحنيكاسىن كادەگە جاراتۋعا قابىلداۋ باعدارلاماسى ىسكە قوسىلدى. تاپسىرىلعان ەسكى كومبايندار مەن تراكتورلاردىڭ ورنىنا جەڭىلدىك سەرتيفيكاتتارى بەرىلدى. جەڭىلدىك سەرتيفيكاتىنىڭ نومينالى اۋىل شارۋاشىلىعى تەحنيكاسىنىڭ ءتۇرى مەن جيىنتىعىنا بايلانىستى 560 مىڭ تەڭگەدەن 2 ملن تەڭگەگە دەيىن باعالاندى.
