شقو توتەنشە جاعدايلار دەپارتامەنتى ءباسپاسوز قىزمەتىنىڭ مالىمەتىنە سۇيەنسەك, ءورت سوندىرۋشىلەر كوكپەكتى جانە اياگوز اۋداندارىندا ءشوپتى شارپىعان ءتىلسىز جاۋمەن كۇرەسىپ جاتىر. ولارعا جەرگىلىكتى اتقارۋشى ورگان وكىلدەرى مەن ورمانشىلار كومەكتەسۋدە.
«كوكپەكتى اۋدانىنداعى «كليۋچي» ۋچاسكەسىندە قىزىل جالىننىڭ جالپى اۋدانى 45 گەكتاردى, اياگوز اۋدانىنداعى قارا بوجىر ۋچاسكەسىندە 25 گەكتاردى جانە ۇمبەتاي ۋچاسكەسىندە 10 گەكتاردى قۇراعان. وقيعا ورنىندا بارلىعى 88 ءورت ءسوندىرۋشى, جەرگىلىكتى اتقارۋشى ورگاننىڭ 92 قىزمەتكەرى, 10 ورمانشى جانە 27 تەحنيكا جۇمىلدىرىلعان», دەپ حابارلادى ۆەدومستۆو وكىلدەرى.
ءورتتى سوندىرۋگە قاتتى جەل جانە ارنايى تەحنيكانىڭ قوزعالىسىنا جولسىز جەر كەدەرگى كەلتىرۋدە.
