ورتالىق ازيا جاڭالىقتار قىزمەتىنىڭ جازۋىنشا, Pfizer ۆاكتسيناسى اقش-تا جانە الەمنىڭ باسقا ەلدەرىندە بەلسەندى تۇردە قولدانىسقا ەنگەن. بىراق قۇراما شتاتتار بىرقاتار شەكتەۋلەر قويىپ, تەك توتەنشە جاعدايدا عانا سالۋ جونىندە رۇقسات بەرگەن.
سودان بەرى اقش-تا 200 ميلليونعا جۋىق ادام Pfizer ۆاكتسيناسىن العان. بۇدان بولەك امەريكادا Moderna جانە Johnson&Johnson ۆاكتسينالارى سالىنىپ جاتىر. جالپى بۇل ەلدە 350 ميلليون ادام ۆاكتسينا العان.
بىراق سوعان قاراماستان سوڭعى اپتادا قۇراما شتاتتارىندا كوروناۆيرۋس جۇقتىرعان ادامداردىڭ سانى ءوسىپ جاتىر. مۇنى «دەلتا» شتامىنىڭ كەڭ تاراۋىمەن بايلانىستىرادى. دەگەنمەن ۆاكتسينا ادام ءولىمىن ازايتادى دەپ بولجانىپ وتىر.
