قارجى پوليتسياسى قىزمەتكەرلەرى الماتى وبلىسى رەۆيزيالىق كوميسسياسىنىڭ باس باقىلاۋشى-تەكسەرۋشىسىن پارا الدى دەگەن كۇدىكپەن ۇستادى. بۇل تۋرالى Gazeta.kz حابارلادى.
ەكونوميكالىق قىلمىسقا جانە سىبايلاس جەمقورلىققا قارسى كۇرەس اگەنتتىگى (قارجى پوليتسياسى) ءباسپاسوز قىزمەتىنىڭ مالىمەتىنە جۇگىنسەك, وبلىستىڭ باس كونترولەر-رەۆيزورى ىلە اۋدانىندا ورنالاسقان 5 مەكتەپتىڭ تەكسەرۋ قورىتىندىسىنا جاعىمدى اكت جاساۋ ءۇشىن 1,8 ملن.تەڭگە پارا الدى دەپ ايىپتالعان. قازىر بۇل ازاماتتىڭ ۇستىنەن قىلمىستىق ءىس قوزعالدى.
قۇقىق قورعاۋ قىزمەتكەرلەرى وسىعان قاتىستى تولىق مالىمەتتى تەرگەۋ مۇددەسىنە ساي جاريالاعان جوق. سوندىقتان الداعى ۋاقىتتا بۇل جونىندەگى ماسەلەگە قايتا ورالاتىن بولامىز. بەلگىلىسى, ايىپكەر ەشقايدا كەتپەۋ قولحاتىمەن تەرگەۋشىگە جاۋاپ بەرۋدە.
ءامىرحان الماعانبەتوۆ.
دەرەككوز: Gazeta.kz.
فوتو: Inform.kz.
