وقيعا • 23 تامىز, 2021

الماتىدا تروللەيبۋس جەراستى وتكەلىنە سوعىلدى: وقيعانىڭ ءمان-جايى انىقتالدى

352 رەت

كورسەتىلدى

1 مين

وقۋ ءۇشىن

الماتىدا جەراستى وتكەلىنە سوعىلعان تروللەيبۋسقا قاتىستى وقيعانىڭ ءمان-جايى بەلگىلى بولدى, دەپ حابارلايدى Egemen.kz.

گاۋھار قاپاش

الماتىدا تروللەيبۋس جەراستى وتكەلىنە سوعىلدى: وقيعانىڭ ءمان-جايى انىقتالدى

قوعامدىق دەنساۋلىق ساقتاۋ دەپارتامەنتى مالىمەتىنشە, وقيعا ورنىنان جەتى ادام ەمەس, ءتورت ادام №4 قالالىق كلينيكالىق اۋرۋحاناعا جەتكىزىلگەن.

«تەكسەرۋدەن كەيىن ولاردىڭ ۇشەۋى بەكىتىلگەن جەردەگى ەمحاناعا امبۋلاتورلىق ەمدەلۋگە جىبەرىلدى. جارالانعانداردىڭ ءبىرى مامانداندىرىلعان بولىمگە جاتقىزىلدى», دەدى قوعامدىق دەنساۋلىق ساقتاۋ دەپارتامەنتىندەگىلەر.

بۇل ارادا الەۋمەتتىك جەلىلەردە جول اپاتىنا سەبەپشى بولعان تاجىريبەدەن ءوتىپ جۇرگەن جۇرگىزۋشى ەكەنى تۋرالى اقپارات تارادى. بۇل تۋرالى جول اپاتىنان زارداپ شەككەن ايەلدىڭ جۇبايى ۆلاديمير شاتسكيح Facebook-پاراقشاسىندا جازدى. سونىمەن قاتار, ول جەدەل جاردەم قىزمەتى مەن №4 قالالىق كلينيكالىق اۋرۋحانا جۇمىسىنا شاعىمداندى.

«الماتىەلەكتروترانس» جۇرگىزۋشىنىڭ جۇمىس تاجىريبەسى جوق دەگەن اقپاراتتى جوققا شىعارىپ, 1959 جىلعى جۇرگىزۋشىنىڭ جۇمىس تاجىريبەسى مول ەكەنىن مالىمدەدى. بىراق ول بۇرىن جۇمىستان شىعىپ, قايتا ورنالاسقاندىقتان ستاجەر ستاتۋسىن العان. جول اپاتىنان ەر ادام زارداپ شەككەن جوق. ۇيىم باسقا ماسەلەلەر بويىنشا ءالى پىكىر بىلدىرمەدى, سەبەبى بۇل ءىس بويىنشا تەرگەۋ جۇرگىزىلىپ, قىلمىستىق ءىس قوزعالعان.