بارلىق وقۋشىلار (ستۋدەنتتەر) ماسكا رەجيمىن ساقتاۋى كەرەك. ماسكانى تاماقتانۋ مەن دەنە شىنىقتىرۋ ساباعىنا قاتىسۋدان باسقا كەز كەلگەن ۋاقىتتا كيۋ كەرەك.
«بەتپەردە كيۋ ءتارتىبى «جىتى رەسپيراتورلىق ۆيرۋستىق ينفەكتسيالار, تۇماۋ جانە ولاردىڭ اسقىنۋلارى (پنەۆمونيا), مەنينگوكوكك ينفەكتسياسى, COVID-19 كوروناۆيرۋستىق ينفەكتسياسى, جەلشەشەك, سكارلاتينا كەزىندە سانيتاريالىق-ەپيدەمياعا قارسى, سانيتاريالىق-پروفيلاكتيكالىق ءىس-شارالاردى ۇيىمداستىرۋعا جانە جۇرگىزۋگە قويىلاتىن سانيتاريالىق-ەپيدەميولوگيالىق تالاپتار» سانيتاريالىق قاعيدالارىن بەكىتۋ تۋرالى» «(27 مامىر 2021 ج. № قر دسم-47) سانيتارلىق ەرەجەلەرمەن رەتتەلەدى», دەپ حابارلايدى الماتى اكىمدىگىنىڭ ءباسپاسوز قىزمەتى.
وسىلايشا, جوعارىدا كورسەتىلگەن سانيتارلىق ەرەجەلەردىڭ 54-تارماعىندا اشىق اسپان استىندا جانە حالىقتى قابىلداۋعا, قىزمەت كورسەتۋگە جانە دەمالۋعا ارنالعان بولمەلەردە, قوعامدىق كولىكتەردە مەديتسينالىق نەمەسە ماتادان جاسالعان بەتپەردە كيۋ مىندەتتى ەكەنى جازىلعان. ەرەجەدەن:
- بەس جاسقا دەيىنگى بالالار;
- قوعامدىق تاماقتانۋ ورىندارىندا تاماق ءىشىپ وتىرعان ادامدار;
- الەۋمەتتىك قاشىقتىقتى ساقتاي وتىرىپ, جەكە, توپتىق سپورتپەن اينالىساتىن ادامدار عانا بوساتىلعان.
