ايماقتار • 23 تامىز، 2021

شقو-دا ۆاكتسينا پاسپورتىن ساتقاندار ۇستالدى

135 رەت كورسەتىلدى

شىعىس قازاقستان وبلىسىنىڭ پوليتسەيلەرى ۆاكتسينالاۋ پاسپورتىن زاڭسىز دايىنداۋ جانە ساتۋمەن اينالىسقان ءبىر توپ ادامدى ۇستادى، دەپ حابارلايدى Egemen.kz.

ءتارتىپ ساقشىلارىنىڭ نازارىنا وسكەمەن قالاسىنداعى ەمحانالاردىڭ بىرىندە ىستەيتىن ەكى دارىگەرى مەن ءۇش ازامات ىلىككەن. ولار اقشالاي سىياقى ءۇشىن جەكەلەگەن ازاماتتارعا ۆاكتسيناتسيالاۋ پروتسەدۋراسىن وتپەستەن قىزمەت كورسەتىپ وتىرعان. دەرەكتەر بازاسىندا رەسمي تىركەلگەن بۇل مەديتسينالىق قۇجات ءۇشىن ازاماتتار دەلدالدارعا 20 مىڭ تەڭگە جانە جەكە كۋالىكتەرىنىڭ كوشىرمەسىن ۇسىنىپ وتىرعان. مەديتسينالىق مەكەمەگە بارۋدىڭ ءتىپتى قاجەتتىلىگى بولماعان.

دەلدالداردىڭ ارقايسى وزىنە 2-3 مىڭ تەڭگەدەن قالدىرىپ، ال ودان ءارى ولاردىڭ نەگىزگى بولىگى دارىگەرلەرگە «جولدانىپ» وتىرعان. تەرگەۋ قازىر بۇل سحەما قاي ۋاقىتتان بەرى جۇمىس ىستەپ جاتقانىن جانە قانشا ادام ۆاكتسينالاۋ پاسپورتىن جالعان جولمەن العانىن انىقتاپ جاتىر.

مەديتسينا قىزمەتكەرلەرىنىڭ ايتۋىنشا «ۆاكتسينالاۋ پاسپورتتارىن» وسىنداي رەسمي ادىسپەن تەك 20 ازاماتقا عانا جاسادىق دەپ مالىمدەگەن، الايدا تەرگەۋ ورگانىنىڭ پىكىرىنشە، بۇل سان الدەقايدا كوپ بولۋى مۇمكىن.

«قر قىلمىستىق كودەكسىنىڭ 385-بابى بويىنشا جۇزەگە اسىرىلاتىن سوتقا دەيىنگى تەرگەۋ شەڭبەرىندە مەديتسينا قىزمەتكەرلەرىنىڭ جانە ولارعا كومەك كورسەتكەن تۇلعالاردىڭ ءىس-ارەكەتتەرىنە ءتيىستى پروتسەسسۋالدى باعا بەرىلەتىن بولادى. قازىرگى ۋاقىتتا تەرگەۋ امالدارى جالعاسۋدا، ۆاكتسينالاۋ پاسپورتىنىڭ مالىمەتتەرىن وسىنداي جالعان جانە زاڭسىز جولمەن العان بارلىق ازاماتتار انىقتالىپ، ولاردان جاۋاپ الىنۋدا»، دەدى شقو پوليتسيا دەپارتامەنتىنىڭ باستىعىنىڭ ورىنباسارى تالعات شاياحمەتوۆ.

سوڭعى جاڭالىقتار

شىمكەنتتە دە LRT سالىنۋى مۇمكىن

ايماقتار • بۇگىن، 12:50

دوللار باعاسى تاعى قىمباتتادى

ەكونوميكا • بۇگىن، 10:32

ۇقساس جاڭالىقتار