ء«بىز قىرعىزستانمەن بىرلەسكەن يندۋستريالىق ساۋدا-لوگيستيكالىق كەشەندەردى ىسكە اسىرۋعا كىرىسەمىز. ارىپتەسىمىز – قىرعىز رەسپۋبليكاسىنىڭ ۆيتسە-پرەمەرى - ەكونوميكا جانە قارجى ءمينيسترى اقىلبەك جاپاروۆ ەكەۋمىز مەملەكەتتەرىمىزدىڭ ۇكىمەت باسشىلارىنىڭ قاتىسۋىمەن كەشەندەردى قۇرۋ جانە ولاردىڭ جۇمىس ىستەۋى جونىندەگى تۇجىرىمداماعا قول قويدىق», دەدى باقىت سۇلتانوۆ.
حابتاردى «قاراسۋ» شەكارالىق وتكىزۋ پۋنكتى ماڭىنداعى شەكارا ۋچاسكەسىندە وقشاۋلاۋ ۇسىنىلدى. بۇل قىرعىزستاننان سولتۇستىككە (قازاقستان, رەسەي, قىتاي حالىق رەسپۋبليكاسى) تاۋار تاسىمالدايتىن ەڭ «تانىمال» ترانزيتتىك نۇكتەلەردىڭ ءبىرى: بۇل وتكەل «الماتى-بىشكەك» حالىقارالىق باعىتىنىڭ جولىندا ورنالاسقان جانە اۆتوماگيسترال باتىس-شىعىس (باتىس ەۋروپا – باتىس قىتاي) كولىكتىك ەكونوميكالىق دالىزىنە قوسىلادى. جەدەل جوسپارلاردى جۇزەگە اسىرۋ ءۇشىن «قاراسۋ» - دىڭ وتكىزۋ قابىلەتى كەڭەيتىلەدى.
يندۋستريالىق حابتار الاڭىندا ونەركاسىپتىك كووپەراتسيا جوبالارى ىسكە قوسىلادى. بۇل رەتتە حالىق تۇتىناتىن قازاق-قىرعىز ونىمدەرى مەن بىرگە يندۋستريالىق ساۋدا-لوگيستيكالىق كەشەندەر اۋماعىنا شەتەلدىك كاپيتال مەن تەحنولوگيالار دا تارتىلادى.
بۇل كەلىسىمشارت جوعارى تەحنولوگيالىق وندىرىستىك تىزبەكتەرگە ورنىعىپ, ءۇشىنشى ەلدەردىڭ نارىقتارىنا بىرلەسىپ شىعۋعا مۇمكىندىك بەرەدى.
يندۋستريالىق حابتار ەۋرازيانىڭ تاۋار وتكىزۋ جۇيەسىنىڭ ءبىر بولىگىنە اينالادى جانە فەرمەرلىك ونىمدەر ءۇشىن تارتىلىس نۇكتەسى بولادى. سونىمەن قاتار كەيىننەن ەكسپورتتالاتىن پارتيالاردى جيناقتاۋ جانە نىعايتۋ ورنى, سونىمەن قاتار تاماق ونەركاسىبىنىڭ دايىن ونىمدەرىن وڭدەۋ جانە شىعارۋ ورنى بولادى دەپ كۇتىلۋدە.
«كورشىلەرمەن ونەركاسىپتىك كووپەراتسيانى ءىس جۇزىندە جۇزەگە اسىرۋ جولىنداعى العاشقى قادام جاسالدى. يندۋستريالىق ساۋدا-لوگيستيكالىق كەشەندەرى لوكاتسياسىن بەكىتۋمەن قاتار ءبىز قارجىلىق سيپاتتاعى ماسەلەلەردى, ونىڭ ىشىندە حاب اۋماعىندا تاۋارلار ءوندىرىسىن جەڭىلدىكپەن كرەديتتەۋ مۇمكىندىگىن پىسىقتاۋدى باستايمىز», دەدى مينيستر.
