133 شاھارعا شولۋ جاسالىپ, ونداعى 140 تاۋار مەن قىزمەتتەر باعاسى سالىستىرىلعان. ونىڭ ىشىندە ازىق-ت ۇلىك, الكوگول, كوممۋنالدىق قىزمەت, كيىم, جەكە گيگيەنا, باسپانا ارەنداسى, سپورت پەن دەنساۋلىق شىعىنى, ويىن-ساۋىق جانە ترانسپورت كاتەگوريالارى زەرتتەلگەن.
قورىتىندىسىندا ەڭ قىمبات قالا مارتەبەسىن پاريج, تسيۋريح جانە گونكونگ يەلەنگەن. ۇشەۋىنىڭ دە يندەكسى 103 پايىزدى قۇراعان. سونىمەن قاتار ۇزدىك وندىقتا سينگاپۋر (4), تەل-اۆيۆ (5-6), وساكا (5-6), جەنەۆا (7-8), نيۋ-يورك (7-8), كوپەنگاگەن (9-10), لوس-اندجەلەس (9-10) قالالارى بار. ال ەڭ ارزان قالالار – داماسك پەن تاشكەنت. 133 قالانىڭ ىشىندە الماتى 33 پايىز يندەكسپەن 129-ورىنعا تۇراقتاعان. ءسويتىپ الەمدەگى ەڭ ارزان قالالاردىڭ ءبىرى رەتىندە اتالىپ وتىر.
ارينە, قازاقستاننىڭ ءوز ىشىندە الماتى ەڭ قىمبات قالالاردىڭ ءبىرى سانالادى. الەۋمەتتىك ماڭىزدى ازىق-ت ۇلىك تاۋارلارى سەبەتىندەگى 19 پوزيتسيانىڭ 12-ءسى الماتىداعى قىمبات تاۋارلار قاتارىنا جاتادى. باسقا قالالارمەن سالىستىرعاندا وڭتۇستىك استانادا ءبىرىنشى سورتتى بيداي ۇنى (29,7 پايىز), ءبىرىنشى كاتەگوريالى جۇمىرتقا (38,4 پايىز) ەرەكشە قىمبات. سونىمەن قاتار مەگاپوليستە كوممۋنالدىق قىزمەت, قوقىس شىعارۋ قىزمەتى, ىستىق سۋ, ەلەكتر ەنەرگياسى رەسپۋبليكانىڭ باسقا قالالارىنان بىرنەشە ەسە قىمبات.
Energyprom مالىمەتىنشە, بالاباقشا, شاشتاراز, فوتوقىزمەت, اقىلى دارىگەر قىزمەتى دە الماتىلىقتاردىڭ قالتاسىنا ەداۋىر سالماق سالىپ وتىر. تۇرمىستىق حيميا مەن جەكە گيگيەنا زاتتارىن دا ارزان دەپ ايتا المايسىز. دەگەنمەن فارماتسەۆتيكالىق پرەپاراتتاردىڭ وزگە قالالارداعى باعادان تومەن ەكەنى انىقتالعان.
