جاقىن كۇندەردە تەمىرتاۋ ەلەكتر-مەتاللۋرگيا كومبيناتىندا بىردەن 600 ەڭبەككەردىڭ جاپپاي جۇمىستان قىسقارتىلاتىندىعى جونىندەگى حابار ۇجىم مۇشەلەرىن ابىرجىتقان ەدى. ولارعا بۇل كاسىپورىننىڭ جاڭا قوجايىندارىنىڭ ءتۇسىندىرۋى بويىنشا, بۇرىنعى باسشىلار سامارقاۋلىعى سالدارىنان كومبينات بانكتەرگە بەرەشەككە بەلشەسىنەن باتقان, سالىق تولەنبەگەن كورىنەدى. سوندىقتان ءوندىرىس شاتقاياقتاپ, كىرىس تابۋ تومەندەپ, جۇمىستىڭ قۇلدىراۋى شەگىنە جەتكەندىكتەن وسىنداي شاراعا ەرىكسىز ءماجبۇر بولۋلارى العا تارتىلىپ, اقىرى ءمالىم ەتىلۋگە تۋرا كەلگەن.
جاقىن كۇندەردە تەمىرتاۋ ەلەكتر-مەتاللۋرگيا كومبيناتىندا بىردەن 600 ەڭبەككەردىڭ جاپپاي جۇمىستان قىسقارتىلاتىندىعى جونىندەگى حابار ۇجىم مۇشەلەرىن ابىرجىتقان ەدى. ولارعا بۇل كاسىپورىننىڭ جاڭا قوجايىندارىنىڭ ءتۇسىندىرۋى بويىنشا, بۇرىنعى باسشىلار سامارقاۋلىعى سالدارىنان كومبينات بانكتەرگە بەرەشەككە بەلشەسىنەن باتقان, سالىق تولەنبەگەن كورىنەدى. سوندىقتان ءوندىرىس شاتقاياقتاپ, كىرىس تابۋ تومەندەپ, جۇمىستىڭ قۇلدىراۋى شەگىنە جەتكەندىكتەن وسىنداي شاراعا ەرىكسىز ءماجبۇر بولۋلارى العا تارتىلىپ, اقىرى ءمالىم ەتىلۋگە تۋرا كەلگەن.
سەبەپ-سىلتاۋلارى دۇرىس بولسا, ارينە, قيىن جاعداي. 2 مىڭعا تارتا ەڭبەككەردىڭ قىس ورتاسىندا اياق استىنان 600-ءنىڭ جۇمىسسىز قالماقتىعى مۇنداي جاي-كۇيگە ەشقانداي كىناسى جوقتارعا بوسا-بولماسىن ءتىپتى اۋىر تيگەندىگىن ايتىپ جاتۋ ارتىق. ءبىر جاعىنان كومبينات باسشىلارىن, سونداي-اق, ۇجىم مۇشەلەرىن تىعىرىققا تىرەگەن كيكىلجىڭ وبلىستىق اكىمدىك تاراپىنان ەلەنبەسە كۇردەلەنە تۇسەردەي ەدى.
ايماق باسشىسى باۋىرجان ابدىشەۆتىڭ اتالعان كاسىپورىنعا ارنايى كەلىپ, جاعدايمەن تىكەلەي تانىسىپ, ءمان-جايعا تولىق قانىعۋى ەكى جاقتى دا قيناعان ماسەلەنىڭ شەشىمىن تابۋىنا مۇمكىندىك تۋعىزدى. سابىرلىلىقپەن سالماقتاپ, تەرەڭ ويلاستىرىلىپ, ءوزارا تۇسىنىستىك ەسكەرىلىپ, بايىپپەن پايىمدالۋ ناتيجەسىندە كۇرمەۋى شەشىلمەيتىندەي كورىنىپ, ۋشىققالى تۇرعان جاعداي جايلاندى. كەلىسىمگە سايكەس 300 ادام اۋتسورسينگ ارقىلى جۇمىس ورىندارىن ساقتاپ قالا الاتىن بولدى. ال قالعاندارى ۋاقىتشا باسقا جۇمىستارعا اۋىستىرىلىپ, ءوندىرىس تىنىسى قالىپتاسقان بەتتە قايتا ورالىپ, ۇيرەنشىكتى ورتالارىندا ەڭبەك ەتۋدى جالعاستىرادى.
بۇلايشا بولۋعا مۇمكىندىك بار. الداعى ۋاقىتتا جاڭا پەشتى ىسكە قوسۋ جوبالانىپ وتىر. ول ءوندىرىس قۋاتىن ارتتىرۋعا جاعداي جاسايدى. سونىمەن بىرگە وسىعان بايلانىستى قوسىمشا شارالار قولعا الىنادى. ءسويتىپ, تەمىرتاۋداعى ىرگەلى كاسىپورىندار ءبىرىنىڭ كوپكە ۇزاماي قالىپتى جۇمىس ىرعاعىنا ەنۋىنە وراي بۇل كۇندە مۇندا ابىرجۋشىلىق باسىلدى.
ايقىن نەسىپباي,
«ەگەمەن قازاقستان».
تەمىرتاۋ.
