ونەر • 22 تامىز، 2021

يوردانيادا قازاقستاندىق كينو كۇندەرى ءوتتى

29 رەت كورسەتىلدى

يوردانيا حاشيميت كورولدىگىنىڭ استاناسىندا قازاقستان تاۋەلسىزدىگىنىڭ 30 جىلدىعىن مەرەكەلەۋ اياسىندا قازاقستاندىق كينو كۇندەرى ءوتتى، دەپ حابارلايدى Egemen.kz.

ءىس-شارانى قازاقستان رەسپۋبليكاسىنىڭ يوردانياداعى ەلشىلىگى مەن كورولدىك كينەماتوگرافيا جونىندەگى كوميسسياسى «قازاقفيلم» اق-مەن بىرلەسىپ ۇيىمداستىردى.

كينوكورسەتىلىم امماننىڭ كونە اۋداندارىنىڭ بىرىندە اشىق اسپان استىندا ورنالاسقان كينەماتوگرافيا جونىندەگى كورولدىك كوميسسيانىڭ اۋديوۆيزۋالدى ونەر ورتالىعى – «كينو ۇيىندە» ءوتتى.

قازاقستان ەلشىسى ايداربەك جۇماتوۆ قوناقتاردى قارسى الىپ، ولارعا قازاقستاندىق كينەماتوگرافقا شىنايى قىزىعۋشىلىق تانىتقاندارى ءۇشىن العىسىن ءبىلدىردى.

ء«ىس-شارا يوردانيالىقتارعا قازاقستان حالقىمەن، ونىڭ تاريحىمەن جانە مادەنيەتىمەن جاقىنىراق تانىسۋعا مۇمكىندىك بەرەدى، سونداي-اق قازاقستان - يوردانيا مادەني-گۋمانيتارلىق ىنتىماقتاستىعىن ودان ءارى نىعايتۋعا ىقپال ەتەدى»، دەپ اتاپ ءوتتى ايداربەك جۇماتوۆ.

يوردانيالىق كورەرمەندەرگە «قازاقفيلم» كينوستۋدياسى ۇسىنعان ەكى فيلم كورسەتىلدى. ءىس-شارانىڭ اشىلۋى كورەرمەندەردىڭ جوعارى باعاسىنا يە بولعان رەجيسسەر نۇرگەلدى سادىعۇلوۆتىڭ «بالۋان شولاق» كوركەم فيلمىنەن باستالدى. اقان ساتاەۆتىڭ «جاۋجۇرەك مىڭ بالا» كينوكارتيناسى دا كورەرمەن نازارىنا ۇسىنىلدى. فيلمدەر اعىلشىن تىلىندە ءسۋبتيترى بار تۇپنۇسقا دىبىستا كورسەتىلدى. ءىس-شاراعا ديپلوماتيالىق كورپۋس وكىلدەرى، باق، سونداي-اق قوعام قايراتكەرلەرى مەن يوردانيا استاناسىنىڭ تۇرعىندارى قاتىستى.

 

سوڭعى جاڭالىقتار

پاگانيني

ونەر • كەشە

وتىز جىلدىققا وي قورىتقان

قازاقستان • كەشە

ۇقساس جاڭالىقتار