ەلباسى نۇرسۇلتان نازارباەۆتىڭ قازاقستان حالقىنا ارنايتىن جولداۋلارىنان جاقسى ءۇمىت كۇتۋمەن قاتار, ونى جاقسى تابىستارمەن قارسى الۋ مەنىڭ باستى ماقساتىما اينالعان. قازىر ءتول توگىنى ناۋقانى بولعاندىقتان تەلەديداردى شوپاندار ۇيىنە ورناتىپ, جولداۋدى كەشكى جاڭالىقتاردان مۇقيات تىڭدادىق. ءوز-وزىمىزگە ەسەپ بەردىك. بۇدان دا جاقسى ىستەۋگە ءتيىستى ەكەندىگىمىزدى تۇسىندىك.
ەلباسى نۇرسۇلتان نازارباەۆتىڭ قازاقستان حالقىنا ارنايتىن جولداۋلارىنان جاقسى ءۇمىت كۇتۋمەن قاتار, ونى جاقسى تابىستارمەن قارسى الۋ مەنىڭ باستى ماقساتىما اينالعان. قازىر ءتول توگىنى ناۋقانى بولعاندىقتان تەلەديداردى شوپاندار ۇيىنە ورناتىپ, جولداۋدى كەشكى جاڭالىقتاردان مۇقيات تىڭدادىق. ءوز-وزىمىزگە ەسەپ بەردىك. بۇدان دا جاقسى ىستەۋگە ءتيىستى ەكەندىگىمىزدى تۇسىندىك.
بيىل مال قورالارىندا 190 سيىر مەن قۇناجىن, 200 باس قوي قىستاۋعا قويىلعان. بۇگىنگى كۇنى سيىرلاردىڭ جارتىسى بۇزاۋلاسا, ءار انالىق قويدان ورتا ەسەپپەن ءبىر قوزىدان الىپ جاتىرمىز. بۇل ازىقتىڭ مولشىلىعى مەن كۇتىمنىڭ جوعارىلىعىنىڭ ارقاسى. قازىر ەشكىمدى جۇمىسقا ۇگىتتەۋدىڭ قاجەتى جوق. اركىم ءوز ءىسىن بىلەدى, تياناقتاپ ورىندايدى.
ءبىز مال تۇقىمىن اسىلداندىرۋ باعىتىن ۇستانۋدامىز. قالتامىزعا قاراپ قارەكەت جاساپ جاتىرمىز. قازاقتىڭ اقباس سيىرلارىن, قۇيرىقتى ەدىلباي قويلارىن ساتىپ الىپ, ءوز تولىمەن كوبەيتىپ كەلەمىز. بىلتىر بۇقالاقتاردى 430-450 كيلوگرامدىق, قويلاردى 20-25 كيلوگرامدىق سالماقپەن ەتكە وتكىزىپ, ايتارلىقتاي كوتەرىلىپ قالدىق. سۇرانىستىڭ وسۋىنە قاراي, بۋراباي كۋرورتتى ايماعى مەن استانا قالاسىندا تۇراقتى تۇتىنۋشىلارىمىز قالىپتاسىپ ۇلگەردى. ءبىز تاپسىرىستى مۇلتىكسىز ورىنداپ, ارىپتەستەر كوڭىلىنەن شىعۋدى پارىز سانايمىز.
مەن العاشقى لەكتەگى فەرمەر بولعاندىقتان ءبىراز تاجىريبە جيناقتادىم دەسە دە بولادى. ەلباسى ن.نازارباەۆ بيىلعى جولداۋىندا بولاشاقتىڭ بيىك مىندەتتەرىن سارالاپ كورسەتىپ بەردى. اسىرەسە, پرەزيدەنتتىڭ: «بۇل سەكتورعا ينۆەستيتسيا كوبىرەك سالىنادى. سوندىقتان, بۇگىنگى فەرمەرلەر تەك ۋاقىتشا ءارى اۋا رايىنا بايلانىستى كەزدەيسوق جەتىستىكتەردى مالدانىپ قالماي, ءوندىرىستىڭ ءوسىمى جونىندە ويلانۋعا ءتيىس», دەگەن سوزدەرى مەنىڭ دە كۇندەلىكتى ويىمدا جۇرگەن جاعدايلار ەدى. ءبىر ورىندا تۇرىپ قالۋعا بولمايدى. بيىك باسەكە سونى تالاپ ەتۋدە. مەملەكەتتىڭ كومەگىمەن سۇيىكتى ءىسىمدى دامىتۋعا كەڭ مۇمكىندىك تۋعانىنا قۋانامىن.
قۋانىشبەك ىبىراەۆ,
«بەكە» شارۋا قوجالىعىنىڭ جەتەكشىسى.
اقمولا وبلىسى,
بۋراباي اۋدانى.
