قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆتىڭ «قازاقستان -2050» ستراتەگياسى – قالىپتاسقان مەملەكەتتىڭ جاڭا ساياسي باعىتى» اتتى قازاقستان حالقىنا جولداۋىندا زاماناۋي جانە ءتيىمدى ءبىلىم بەرۋ مەن دەنساۋلىق ساقتاۋ جۇيەسىن قۇرۋ باستى ماقسات رەتىندە ايقىندالدى. دەنساۋلىق ساقتاۋدىڭ ۇلتتىق جۇيەسىن ۇزاقمەرزىمدى جاڭعىرتۋ اياسىندا مەديتسينالىق قىزمەت ساپاسىنىڭ بىرىڭعاي ستاندارتتارىن ەنگىزۋ, مەديتسينالىق مەكەمەلەردىڭ ماتەريالدىق-تەحنيكالىق بازاسىن سايكەستەندىرۋ مەن جەتىلدىرۋ سىندى مىندەتتەر قويىلدى.
قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆتىڭ «قازاقستان -2050» ستراتەگياسى – قالىپتاسقان مەملەكەتتىڭ جاڭا ساياسي باعىتى» اتتى قازاقستان حالقىنا جولداۋىندا زاماناۋي جانە ءتيىمدى ءبىلىم بەرۋ مەن دەنساۋلىق ساقتاۋ جۇيەسىن قۇرۋ باستى ماقسات رەتىندە ايقىندالدى. دەنساۋلىق ساقتاۋدىڭ ۇلتتىق جۇيەسىن ۇزاقمەرزىمدى جاڭعىرتۋ اياسىندا مەديتسينالىق قىزمەت ساپاسىنىڭ بىرىڭعاي ستاندارتتارىن ەنگىزۋ, مەديتسينالىق مەكەمەلەردىڭ ماتەريالدىق-تەحنيكالىق بازاسىن سايكەستەندىرۋ مەن جەتىلدىرۋ سىندى مىندەتتەر قويىلدى.
مەديتسينالىق جوو-لاردىڭ عىلىمي-زەرتتەۋ جانە تاجىريبەلىك جۇمىستارىنىڭ باستى ماقساتىنا دەن قويا وتىرىپ, ساپالى جانە قولجەتىمدى مەديتسينالىق قىزمەت كورسەتۋ, پروفيلاكتيكالىق مەديتسينانى دامىتۋ, «سمارت-مەديتسينا» قىزمەتىن ەنگىزۋ, قاشىقتىقتان ەمدەۋ, ەلەكتروندىق مەديتسينا, بالالاردى ەمدەۋگە ارنالعان جاڭا ءادىس-تاسىلدەر, مەديتسينالىق ءبىلىم بەرۋ جۇيەسىن جاقسارتۋ دەنساۋلىق ساقتاۋدى دامىتۋدىڭ باسىم مىندەتتەرى رەتىندە ايقىندالدى. ەلباسىنىڭ اتالعان تاپسىرماسىن ورىنداۋ «سالاماتتى قازاقستان» مەملەكەتتىك دەنساۋلىق ساقتاۋدى دامىتۋ باعدارلاماسىن جۇزەگە اسىرۋمەن تىكەلەي بايلانىستى. اتالعان باعدارلامانى جۇزەگە اسىرۋ بارىسىندا دەنساۋلىق ساقتاۋ مينيسترلىگى تاراپىنان مەكەمە قىزمەتىن جۇيەلى ۇيىمداستىرۋ, دەنساۋلىق ساقتاۋ جۇيەسىن ءتيىمدى باسقارۋ, قارجىلاندىرۋ جولىندا ءبىرتالاي جۇمىستار اتقارىلۋدا. بۇگىندە دەنساۋلىق ساقتاۋدى دامىتۋ جۇيەسىنىڭ جاڭا نىساندارىن قۇرۋمەن بىرگە, ساپالى مەديتسينالىق قىزمەت الۋ ءۇشىن دە قولايلى جاعدايلار جاسالىپ وتىر. ماسەلەن, ەلىمىزدىڭ الشاق اۋداندارىن مەديتسينالىق قىزمەتپەن قامتاماسىز ەتىپ وتىرعان كولىكتىك مەديتسينا جىلدام قارقىنمەن دامۋدا.
ەلباسى نۇرسۇلتان نازارباەۆتىڭ «قازاقستان جولى – 2050: ءبىر ماقسات, ءبىر مۇددە, ءبىر بولاشاق» اتتى حالىققا جاڭا جولداۋىندا قازاقستاندىقتاردىڭ ءومىر ءسۇرۋ ۇزاقتىعىن 80 جاسقا نەمەسە ودان دا كوپ جاسقا ۇزارتۋعا مۇمكىندىك بەرەتىن سالاماتتى ءومىر سالتى مەن مەديتسينانى دامىتۋعا باسىمدىق بەرىلگەن. ەندى قازاقستاندى جەتەكشى ەۋرازيالىق مەديتسينالىق تۋريزم ورتالىقتارىنىڭ بىرىنە اينالدىرۋ مىندەتى تۇر.
مەملەكەت باسشىسى دەنساۋلىق ساقتاۋ سالاسىنداعى مەديتسينالىق-سانيتارلىق العاشقى كومەك كورسەتۋدى جەتىلدىرۋگە كوڭىل ءبولۋ كەرەكتىگىن اتاپ ءوتتى. پرەزيدەنتتىڭ ايتۋىنشا, مەملەكەت پەن جۇمىس بەرۋشىنىڭ جۇمىسكەردىڭ دەنساۋلىعى ءۇشىن ورتاق جاۋاپكەرشىلىگى بارلىق مەديتسينالىق قىزمەت كورسەتۋ جۇيەلەرىنىڭ باستى قاعيداسى بولىپ تابىلادى. ەلباسى مىندەتتى مەديتسينالىق ساقتاندىرۋدى ەنگىزۋ ماسەلەسىن دە نازاردان تىس قالدىرمادى. ونىڭ ايتۋىنشا, بۇل جۇيەنى ءجىتى زەرتتەگەن ءجون. الەم ەلدەرىنىڭ تاجىريبەسىنە سۇيەنسەك, مەديتسينالىق ساقتاندىرۋدىڭ پايدالى جاقتارى جەتەرلىك. اتالمىش جۇيە ەمدەلۋشىلەردىڭ مۇددەسىن قورعاۋمەن شەكتەلىپ قانا قويماي, مەديتسينالىق قىزمەت كورسەتۋدىڭ ساپاسى مەن كولەمىنە ساراپتىق باعا بەرە الادى. جالپى العاندا, مەديتسينالىق ساقتاندىرۋدى دامىتۋ قازىرگى كەزدەگى دەنساۋلىق ساقتاۋ جۇيەسىندەگى كەمشىلىكتەردى ازايتادى. بۇل الەمدىك تاجىريبەدە دالەلدەنگەن.
سونداي-اق, جولداۋدا ن.ءا.نازارباەۆ قازاقستاندى حالىقتىڭ ءومىر ءسۇرۋى ءۇشىن قاۋىپسىز جانە جايلى الەم ەلدەرىنىڭ بىرىنە اينالدىرۋ ماقساتىن قويدى. اسىرەسە, ەلباسىنىڭ مۇمكىندىگى شەكتەۋلى جاندارعا كوڭىل اۋدارۋدى ارتتىرۋ جايلى ءسوزىن ەرەكشە اتاپ وتكىم كەلەدى. شىنىمەن دە, ولارعا قامقورلىق جاساۋ قوعامنىڭ مىندەتى بولىپ تابىلادى.
پرەزيدەنت جولداۋى ەرتەڭگى كۇنگە دەگەن سەنىمدى ارتتىرادى. سەبەبى, العا قويىلعان تاپسىرمالار حالىق دەنساۋلىعىن ساقتاپ, تۇرمىس جاعدايىن جاقسارتۋدى كوزدەيدى.
داۋلەتحان ەسىموۆ,
دەنساۋلىق ساقتاۋ مينيسترلىگى
«دەنساۋلىق ساقتاۋدى دامىتۋدىڭ رەسپۋبليكالىق ورتالىعى» شجق رمك
باس ديرەكتورىنىڭ ورىنباسارى.
