IQala قىزمەتتەرى ورتالىقتىڭ فرونت-وفلاين فورماتىندا, سونداي-اق www.iqala.kz سايتى ارقىلى ونلاين ۇسىنىلادى.
سەرۆيستى تسيفرلاندىرۋدىڭ ارقاسىندا پورتالدىڭ كومەگىمەن قىزمەتتەردى الۋدىڭ تانىمالدىلىعى ايتارلىقتاي ءوستى. سايت ارقىلى الىناتىن ەڭ تانىمال سۇراۋلار – ەلەكترمەن جابدىقتاۋ, جىلۋمەن جابدىقتاۋ, قاتتى تۇرمىستىق قالدىقتاردى شىعارۋ, سۋمەن جابدىقتاۋ جانە سۋ بۇرۋ بويىنشا شارتتار جاساسۋ.
ايتا كەتەيىك, قاجەتتى قىزمەتتەردى www.iqala.kz پورتالى ارقىلى اپتانىڭ كەز-كەلگەن كۇنىندە, تاۋلىك بويى الۋعا بولادى. ول ءۇشىن پورتالدا ەتسق ارقىلى تىركەلۋ, سودان كەيىن قاجەتتى ۇيىمدى, ودان ءارى قاجەتتى قىزمەتتى تاڭداۋ جەتكىلىكتى. وتىنىشتەردى وڭدەۋ مەرزىمدەرى رەگلامەنتتەلگەن. كليەنت ءوتىنىشىنىڭ دايىندىعى تۋرالى ۇيالى تەلەفون نومىرىنە SMS-حابارلاما جىبەرىلەدى.
قىزمەتتەردى الۋ ءۇشىن ەلوردالىقتار ء«بىر تەرەزە» قاعيداتى بويىنشا جۇمىس ىستەيتىن فرونت-كەڭسەگە دە جۇگىنە الادى. بۇل دەگەنىمىز ەلوردا تۇرعىندارى مەن كاسىپكەرلەرىنە قىزمەت الۋ ءۇشىن ءاربىر كوممۋنالدىق قىزمەتكە جەكە بارۋدىڭ قاجەتى جوق. ەندى بارلىق قالالىق كوممۋنالدىق قىزمەتتەرمەن كەلىسىمشارت جاساسۋ ءۇشىن فرونت-كەڭسەدەگى ء«بىر تەرەزەگە» جۇگىنۋ جەتكىلىكتى.
بۇگىندە ورتالىق ەلوردا تۇرعىندارىنا تۇرعىن ءۇي-كوممۋنالدىق سەكتوردىڭ 152 قىزمەت ءتۇرىن كورسەتەدى.
ەستەرىڭىزگە سالا كەتەيىك, iQala قالالىق قىزمەتتەر ورتالىعى ەلوردا اكىمدىگىنىڭ باستاماسىمەن جانە قر سىبايلاس جەمقورلىققا قارسى ءىس-قيمىل اگەنتتىگىنىڭ قولداۋىمەن «استانا – ادالدىق الاڭى» جوباسى اياسىندا قۇرىلدى. ورتالىقتىڭ جۇمىسىن «Astana» اكك» اق جۇزەگە اسىرادى.
