«كوروناۆيرۋسپەن كۇرەستە وزبەكستان مەن قازاقستاننىڭ ءوزارا بايلانىسىنا ەرەكشە توقتالعىم كەلەدى. ەكى ەلدىڭ دەنساۋلىق ساقتاۋ مينيسترلىگى ىندەتتى جەڭۋ جولىندا ءوزارا تاجىريبە الماسۋدا. قر دەنساۋلىق ساقتاۋ ءمينيسترى وزبەكستانعا بارىپ, ەلدەگى ەپيدەميولوگيالىق جاعدايدى جاقسارتۋعا قاتىستى ەكىجاقتى كەڭەس وتكىزدى. ودان بولەك, پاندەميا ءورشىپ تۇرعان ساتتە, باۋىرلاس قازاق ەلى وزبەك باۋىرىنا گۋمانيتارلىق كومەك كورسەتتى. سايكەسىنشە ءبىزدىڭ ەل دە COVID-19-بەن كۇرەستە قازاقستانعا قول ۇشىن سوزدى. بۇگىندە ەكى ەل اراسىندا اتالعان باعىتتا ءوزارا تاجىريبە الماسۋ جالعاسىپ كەلەدى. سونىڭ ءبىرى قازىرگى تاڭدا وزبەكستان مەن قازاقستان اۋماعىندا فارماتسەۆتيكالىق كاسىپورىن اشۋ ماسەلەسى قارالىپ جاتىر», دەدى سايديكرام نيازحودجاەۆ ەلورداداعى وزبەكستان ەلشىلىگىندە وتكەن ءباسپاسوز ءماسليحاتىندا.
ەلشىنىڭ ايتۋىنشا, اتالعان ماسەلە بۇگىندە ەكىجاقتى تالقىعا سالىندى.
