الەم • 20 تامىز، 2021

گرۋزيادا دالالىق اۋرۋحانا ناۋقاستاردى قابىلداي باستادى

72 رەت كورسەتىلدى

تبيليسي شەتىندەگى ديگومي اۋدانىنداعى دالالىق اۋرۋحانا كوروناۆيرۋسقا شالدىققانداردى قابىلداي باستادى. بۇل تۋرالى بۇگىن جۋرناليستەرگە گرۋزيا دەنساۋلىق ساقتاۋ ۆيتسە-ءمينيسترى تامار گابۋنيا ايتتى، دەپ حابارلايدى Egemen.kz «نوۆوستي-گرۋزياعا» سىلتەمە جاساپ.

«كەشە كەشكە قاجەتتىلىك تۋىندادى جانە دالالىق اۋرۋحانانىڭ جۇمىسى باستالدى. وندا توعىز پاتسيەنت ورنالاستىرىلدى، ولاردىڭ جاعدايى ورتاشا اۋىرلىقتا، بۇگىننەن باستاپ اۋرۋحانا تولىق قۋاتىندا جۇمىس جاساي باستايدى»، دەدى گابۋنيا.

ول دالالىق اۋرۋحانا ناۋقاستاردى ۋاقىتشا ورنالاستىرۋعا ارنالعانىن باسا ايتتى. ونىڭ ايتۋىنشا، ناۋقاستاردى 2-3 كۇننەن كەيىن كوۆيدتى قوناق ۇيگە نەمەسە اۋرۋحاناعا اۋىستىرۋعا تۋرا كەلەدى.

ء«بىز ءۇشىن ەڭ باستىسى – پاتسيەنتتەردى ۋاقىتىندا تۇراقتاندىرۋ، سودان كەيىن ولاردىڭ اۋىرلىعىنا قاراي قايتا وڭدەۋ. مەنىڭ ويىمشا، پاتسيەنتتەر دالالىق اۋرۋحانادا 2-3 كۇننەن ارتىق جاتپاۋى كەرەك»، دەدى گابۋنيا.

جالپى، ديگوميدەگى دالالىق اۋرۋحانا 500 ادامعا ەسەپتەلگەن. ول وكپەنى جاساندى جەلدەتۋ قوندىرعىلارىمەن جانە وتتەگى تسيستەرنالارىمەن جابدىقتالعان. دەنساۋلىق ساقتاۋ مينيسترلىگىنىڭ باسشىسى ەكاتەرينا تيكارادزەنىڭ ايتۋىنشا، ورتالىقتى جابدىقتاۋعا 150 مىڭ لاري جۇمسالعان.

بۇعان دەيىن دەپارتامەنت دالالىق گوسپيتال تەك ورتاشا جانە اۋىر ەمدەلۋشىلەردى قابىلدايتىنىن حابارلاعان. سونىمەن قاتار تيكارادزە مۇندا جۇمىس ىستەيتىن مەديتسينالىق قىزمەتكەرلەردىڭ ارنايى دايىندىقتان وتكەنىن جانە ساۋاتتى ەكەنىنە سەندىردى.

سامگوري ايماعىندا تاعى ءبىر دالالىق اۋرۋحانا قۇرىلدى، بىراق ونىڭ جۇمىسى ءالى جوسپارلانعان جوق. ۇقساس نۇكتەلەر جاقىن ارادا ادجارا مەن يمەرەتيدە پايدا بولۋى مۇمكىن.

 

سوڭعى جاڭالىقتار

دوللار ارزاندادى

قارجى • بۇگىن، 16:22

شىمكەنتتە دە LRT سالىنۋى مۇمكىن

ايماقتار • بۇگىن، 12:50

دوللار باعاسى تاعى قىمباتتادى

ەكونوميكا • بۇگىن، 10:32

ۇقساس جاڭالىقتار