جامبىل وبلىسى توتەنشە جاعدايلار دەپارتامەنتىنىڭ حابارلاۋىنشا, جەدەل باسقارۋ ورتالىعىنا تاراز قالاسى, قاپال كوشەسىنىڭ 4-ءشى بۇرىلىسىندا ورنالاسقان بوس تۇرعان عيماراتتىڭ ورتەنگەنى تۋرالى حابارلاما تۇسكەن.
وقيعا ورنىنا تاراز قالالىق ورتكە قارسى قىزمەت گارنيزونىنىڭ كۇشتەرى مەن قۇرالدارى جەدەل جەتتى.
ء«بىرىنشى بولىمشە ءورت بولعان ايماققا شۇعىل جەتتى. ءورت اۋماعى 200 شارشى مەتردى قۇراعان. ءورت سوندىرۋشىلەر 46 مينۋت ىشىندە ءورتتى ءسوندىردى. زارداپ شەككەندەر جوق. قازىرگى ۋاقىتتا ءورتتىڭ شىعۋ سەبەبى جانە كەلتىرىلگەن ماتەريالدىق زالالى انىقتالۋدا», دەلىنگەن ۆەدومستۆو حابارلاماسىندا.
جامبىل وبلىسى تجد وبلىس جانە قالا تۇرعىندارىنان بالالار مەن قارتتاردى ۇيدە قاراۋسىز قالدىرماي, ءورت قاۋىپسىزدىگى ەرەجەلەرىن قاتاڭ ساقتاۋ قاجەتتىگىن ەسكەرتەدى.
