كەزدەسۋ بارىسىندا ۆيتسە-سپيكەر ەو وكىلىنە سەنات قىزمەتىنىڭ نەگىزگى باعىتتارى جانە مەملەكەت باسشىسىنىڭ ەلىمىزدى جاڭعىرتۋ باعدارىن ىسكە اسىرۋ ءۇشىن قابىلدانعان زاڭدار تۋرالى حاباردار ەتتى.
سونىمەن قاتار سەنات توراعاسىنىڭ ورىنباسارى قازاقستان دەموكراتيانى, قۇقىق ۇستەمدىگىن جانە ادام قۇقىقتارىن نىعايتۋ ماسەلەلەرىنە باسا ءمان بەرەتىنىن, بۇل ەلىمىزدىڭ ءوزارا ءىس-قيمىلدىڭ بارلىق دەڭگەيىندە سىندارلى ديالوگكە دايىن ەكەنىن كورسەتەتىنىن اتاپ ءوتتى. كەزدەسۋ بارىسىندا قازاقستاننىڭ ادام قۇقىقتارى سالاسىنداعى بارلىق دەرلىك حالىقارالىق قۇجاتتاردىڭ, ونىڭ ىشىندە بۇۇ-نىڭ 7 نەگىزگى قۇقىق قورعاۋ كونۆەنتسياسىنىڭ تولىق قۇقىقتى قاتىسۋشىسى ەكەنى دە ءسوز بولدى.
كەزدەسۋدە پارلامەنتارالىق بايلانىستى جانداندىرۋ ماسەلەسى دە تالقىلاندى.
ء«بىز پارلامەنتارالىق ىنتىماقتاستىقتى دامىتۋعا باسا ءمان بەرىپ كەلەمىز. قازىرگى تاڭدا ەۋروپارلامەنتتە ساۋدا-ەكونوميكالىق, ينۆەستيتسيالىق جانە گۋمانيتارلىق بايلانىستاردى دامىتۋعا ىقپال ەتۋ ءۇشىن قازاقستان مەن ەۋرووداقتىڭ دوستىق توبى جۇمىس ىستەيدى. بۇل جۇمىستى جانداندىرۋ ەكىجاقتى ىنتىماقتاستىقتى ودان ءارى دامىتۋعا جانە پارلامەنتارالىق بايلانىستاردى نىعايتۋعا تىڭ سەرپىن بەرەدى دەپ سەنەمىز», دەدى اسقار شاكىروۆ.
سۇحبات بارىسىندا ورتالىق ازياداعى وزەكتى ماسەلەلەر, ونىڭ ىشىندە اۋعانستانداعى جاعداي دا تالقىلاندى.
