ەل جانە ەلباسى • 19 تامىز، 2021

ەلباسى رەسەي پرەمەر-مينيسترىمەن كەزدەستى

84 رەت كورسەتىلدى

قازاقستاننىڭ تۇڭعىش پرەزيدەنتى نۇرسۇلتان نازارباەۆ رەسەي فەدەراتسياسىنىڭ پرەمەر-ءمينيسترى ميحايل ميشۋستينمەن كەزدەستى، دەپ جازادى Egemen.kz.

كەزدەسۋ بارىسىندا نۇرسۇلتان نازارباەۆ ەكى مەملەكەت اراسىنداعى ىنتىماقتاستىقتىڭ جوعارى دەڭگەيىن اتاپ ءوتتى.

«قازىر ءبىز قيىن كەزەڭدى باستان وتكەرىپ جاتىرمىز. قازاقستان مەن رەسەي كوروناۆيرۋستىڭ تارالۋى مەن ونىڭ ەكونوميكاعا اسەرىمەن بايلانىستى قيىندىقتاردى بىرلەسىپ جەڭىپ كەلەدى. ءبىز جاقىندا ۆلاديمير پۋتينمەن كەزدەستىك. ءبىز جۇمىستى جالعاستىرامىز»، دەدى ەلباسى.

1

قازاقستاننىڭ تۇڭعىش پرەزيدەنتى ەكىجاقتى قاتىناستاردى ودان ءارى نىعايتۋ جانە ەۋرازيالىق ەكونوميكالىق وداق اياسىنداعى ايماقتىق ىنتىماقتاستىقتى دامىتۋ ماسەلەلەرىنە توقتالدى.

ميحايل ميشۋستين نۇرسۇلتان نازارباەۆقا جىلى قابىلداعانى ءۇشىن العىسىن ءبىلدىرىپ، رەسەي فەدەراتسياسى پرەزيدەنتىنىڭ ىزگى تىلەگىن جەتكىزدى. قازاقستانعا ساپارى بارىسىندا جۇرگىزىلگەن كەلىسسوزدەر مەن كەزدەسۋلەردىڭ ناتيجەسى تۋرالى ايتتى.

ء«بىز ەكىجاقتى كۇن ءتارتىبىن بەلسەندى تۇردە تالقىلادىق. ايتايىن دەگەنىم، وسى جىلدىڭ ءبىرىنشى جارتىجىلدىعىندا ەلدەر اراسىنداعى تاۋار اينالىمى 34%-عا ءوستى. پاندەمياعا دەيىنگى دەڭگەيدەن 20%-عا ارتتىردىق. جىل سوڭىنا دەيىن 20 ميلليارد دوللاردان اساتىن كورسەتكىشكە قول جەتكىزگىمىز كەلەدى»، دەدى م.ميشۋستين.

2

رەسەي پرەمەر-ءمينيسترى قازاقستاننىڭ تسيفرلاندىرۋ سالاسىنداعى شەشىمىنەن العان اسەرىمەن ءبولىستى. سونىمەن قاتار كوروناۆيرۋس ينفەكتسياسىنىڭ تارالۋىنا قارسى بىرلەسكەن شارالاردى جۇزەگە اسىرۋعا توقتالدى.

«كەشە ارىپتەستەرىم «ەلەكتروندىق ۇكىمەتكە» ۇيىمداستىرعان ورتالىقتى كورسەتتى. وتە قىزىق جۇمىستار. شىنىن ايتقاندا، ءبىز ءوزارا اشىقپىز، ءبىز دە رەسەي ۇكىمەتىنىڭ ۇيلەستىرۋ ورتالىعىندا نە ىستەگەنىمىزدى كورسەتەمىز. بىراق كەشە مەن سىزدەردىڭ ەڭ زاماناۋي شەشىمدەردى قانشالىقتى جىلدام ەنگىزىپ جاتقاندارىڭىزعا تاڭ قالدىم. كوروناۆيرۋسقا قاتىستى ءبىز بۇل قيىن ينفەكتسيامەن كۇرەسۋ ءۇشىن قولدان كەلگەننىڭ ءبارىن جاسايمىز. بۇگىندە «سپۋتنيك V» قاراعاندى ​​فارماتسەۆتيكالىق زاۋىتىندا شىعارىلادى. 5 ميلليوننان استام دوزا ءوندىرىلدى. بۇل وتە اۋىر جۇمىس. قورىتىندىلاي كەلە، باۋىرلاستىق تاتۋ كورشىلىك قارىم-قاتىناسىمىزدى جوعارى باعالايتىنىمىزدى اتاپ وتكىم كەلەدى. ءبىز ەكىجاقتى ىنتىماقتاستىعىمىزدى دا، ەاەو اياسىنداعى قارىم-قاتىناستى دا بارىنشا دامىتۋعا نيەتتىمىز»، دەدى م.ميشۋستين.

3

سوڭعى جاڭالىقتار

بۇعىبۇلاۋ

قازاقستان • كەشە

جۇزە ءبىلۋ – ءومىر

قوعام • كەشە

ولكەتانۋشى

قازاقستان • كەشە

كەبەنەك

تاريح • كەشە

ساۋكەلە

ونەر • كەشە

ۇقساس جاڭالىقتار