پرەزيدەنت • 19 تامىز، 2021

مەملەكەت باسشىسى ەۋروپالىق وداقتىڭ ورتالىق ازيا بويىنشا ارناۋلى وكىلىن قابىلدادى

86 رەت كورسەتىلدى

مەملەكەت باسشىسى ەۋروپالىق وداقتىڭ ورتالىق ازيا بويىنشا ارناۋلى وكىلى تەري حاكالانى قابىلدادى، دەپ جازادى Egemen.kz.

قاسىم-جومارت توقاەۆ تەري حاكالانى ەۋروپالىق وداقتىڭ ورتالىق ازيا بويىنشا ارناۋلى وكىلى لاۋازىمىنا تاعايىندالۋىمەن قۇتتىقتاپ، قىزمەتىنە تابىس تىلەدى.

تەري حاكالا قاسىم-جومارت توقاەۆقا ەۋروپالىق  كەڭەستىڭ پرەزيدەنتى شارل ميشەلدىڭ سالەمىن جەتكىزدى. وندا كەڭەس باسشىسىنىڭ قازاقستان پرەزيدەنتىن وسى جىلدىڭ سوڭىنا دەيىن بريۋسسەلگە شاقىراتىنى ايتىلعان.

مەملەكەت باسشىسى قازاقستاننىڭ ەۋروپالىق وداقپەن ءوزارا ستراتەگيالىق ءىس-قيمىلىنا وڭ باعا بەردى. 2020 جىلدىڭ ناۋرىز ايىندا كۇشىنە ەنگەن كەڭەيتىلگەن ارىپتەستىك جانە ىنتىماقتاستىق جونىندەگى كەلىسىم وسى قاتىناستارعا تىڭ سەرپىن بەردى.

1

– ءبىز ەۋروپالىق وداقپەن قارقىندى ساۋدا-ەكونوميكالىق جانە ينۆەستيتسيالىق بايلانىستاردى جوعارى باعالايمىز. قازاقستان – ەۋروپالىق وداقتىڭ ورتالىق ازياداعى باستى ساۋدا سەرىكتەسى. 2020 جىلدىڭ قورىتىندىسى بويىنشا ەكىجاقتى ساۋدا اينالىمى 24 ميلليارد دوللارعا جۋىقتادى، –  دەدى قازاقستان پرەزيدەنتى.

مەملەكەت باسشىسى مەن ەۋروپالىق وداقتىڭ ارناۋلى وكىلى داعدارىستان كەيىنگى كەزەڭدە ءوزارا ءىس-قيمىلدىڭ باعىتتارى ىشىندە جاڭارتىلاتىن ەنەرگەتيكا، جوعارى تەحنولوگيالار، ينفراقۇرىلىم مەن دەنساۋلىق ساقتاۋ سالالارىنا ەرەكشە باسىمدىق بەرىلەتىنىن اتاپ ءوتتى.

حالىقارالىق كۇن ءتارتىبىن تالقىلاۋ بارىسىندا اۋعانستانداعى جاعدايعا ەرەكشە ءمان بەرىلدى.

قاسىم-جومارت توقاەۆ اۋعانستاندا كۇرت وزگەرگەن اسكەري-ساياسي جاعدايعا بايلانىستى تۋىنداپ وتىرعان سىن-قاتەرلەرگە الاڭداۋشىلىق ءبىلدىردى. پرەزيدەنتتىڭ ايتۋىنشا، بۇل جاعدايدىڭ بار اۋىرتپالىعى قاقتىعىس ايماعىنا جاقىن ورنالاسقان ورتالىق ازيا مەملەكەتتەرىنە سەزىلىپ وتىر.

تاراپتار اۋعانستاننىڭ بارلىق اۋماعىندا جۋىق ارادا جاعدايدىڭ تۇراقتالىپ، قوعامدىق ءتارتىپتىڭ ورنىعۋىنا، ادام قۇقىقتارى مەن ەركىندىگىنىڭ ساقتالۋىنا جانە كابۋلدىڭ حالىقارالىق اۋەجايىنان ادامداردى كەدەرگىسىز كوشىرۋگە قاتىستى پىكىرلەرىن ءبىلدىردى.

قازاقستان پرەزيدەنتى مەن ارناۋلى وكىل ورتالىق ازيا ەلدەرى مەن ەۋروپالىق وداق اراسىنداعى قارىم-قاتىناستا اتالعان ماسەلەنىڭ ماڭىزىن ەسكەرە وتىرىپ، بايلانىستاردى قولداۋعا دايىن ەكەندەرىن ناقتىلادى.

2

تەري حاكالا قازاقستاننىڭ توراعالىعىمەن جەنەۆادا وتەتىن دۇنيەجۇزىلىك ساۋدا ۇيىمى مينيسترلەرىنىڭ كونفەرەنتسياسىن قولدايتىنىن ايتتى.

اڭگىمەلەسۋ بارىسىندا تاراپتار ورتالىق ازيا مەملەكەتتەرىنىڭ ءوزارا ءىس-قيمىلدارى مەن كەلەشەگى، ونىڭ ىشىندە تۇرىكمەنستاندا وتكەن مەملەكەت باسشىلارىنىڭ ءۇشىنشى كونسۋلتاتيۆتىك كەزدەسۋىنىڭ قورىتىندىسى بويىنشا پىكىر الماستى.

سوڭعى جاڭالىقتار

شىمكەنتتە دە LRT سالىنۋى مۇمكىن

ايماقتار • بۇگىن، 12:50

دوللار باعاسى تاعى قىمباتتادى

ەكونوميكا • بۇگىن، 10:32

چەمپيوندى تابا الماي جاتىر

سپورت • بۇگىن، 07:59

«ورداباسى» جەڭىسكە جەتتى

سپورت • بۇگىن، 07:58

ۇقساس جاڭالىقتار