پرەزيدەنت • 19 تامىز، 2021

قاسىم-جومارت توقاەۆ پەن ۆلاديمير پۋتين بىرلەسكەن فورۋمعا قاتىسادى

125 رەت كورسەتىلدى

قازاقستان مەن رەسەي پرەزيدەنتتەرى ەكى ەلدىڭ وڭىرارالىق ىنتىماقتاستىق فورۋمىنا قاتىسادى. بۇل تۋرالى رەسەي پرەمەر-ءمينيسترى ميحايل ميشۋستين قازاقستان پرەزيدەنتى قاسىم-جومارت توقاەۆپەن كەزدەسۋدە ايتتى، دەپ حابارلايدى Egemen.kz.

«مەملەكەت باسشىلارىنىڭ قاتىسۋىمەن رەسەي مەن قازاقستاننىڭ وڭىرارالىق ىنتىماقتاستىعىنىڭ كەزەكتى فورۋمىنا دايىندالىپ جاتىرمىز. ءبىز باۋىرلاس قازاقستانمەن دوستىق پەن سەرىكتەستىكتى، وداقتاستىقتى شىن جۇرەكتەن باعالايمىز»، دەدى ميشۋستين.

ول سونداي-اق بىرلەسكەن جۇمىستىڭ ۇلكەن مۇمكىندىكتەرى بار ەكەنىن، ۇكىمەتتىك جەلى بويىنشا كۇن ءتارتىبى قالىپتاسقانىن، ساۋدا-ەكونوميكالىق ىنتىماقتاستىق جاقسى قارقىنمەن دامىپ كەلە جاتقانىن اتاپ ءوتتى.

ء«بىرىنشى جارتىجىلدىقتا ءوزارا تاۋار اينالىمى ۇشتەن بىرگە ءوستى. ءبىز جىل سوڭىنا دەيىن جاقسى رەكوردتىق كورسەتكىشتى كۇتەمىز جانە بۇل ءۇشىن بارلىق العىشارتتار بار»، دەدى رف ۇكىمەتىنىڭ باسشىسى.

 

سوڭعى جاڭالىقتار

الماتىدا تروللەيبۋس ورتەندى

وقيعا • 24 ماۋسىم، 2022

تۇركپا-نىڭ اتاۋى وزگەرەدى

پارلامەنت • 24 ماۋسىم، 2022

ۇقساس جاڭالىقتار