اتموسفەرالىق اۋا اعىندارىنىڭ وتۋىنە وراي رەسپۋبليكانىڭ باسىم بولىگىندە كۇن رايى قۇبىلمالى بولادى. كەي جەرلەردە قار جاۋىپ, جەل كۇشەيەدى, تۇمان ءتۇسىپ كوكتايعاق بولادى. تەك ەلىمىزدىڭ باتىس ايماقتارىندا عانا كۇن اشىق بولماق. بۇل جايىندا 24.kz تەلەارناسى حابارلادى.
اقمولا وبلىسىندا 17-22 م/س جىلدامدىقپەن جەل سوعىپ, ونىڭ ەكپىنى كەيدە 30 م/س جەتپەك. الماتى وبلىسىندا تۇمان ءتۇسىپ, كوكتايعاق بولادى, جەلدىڭ جىلدامدىعى 17-22 م/س قۇرايدى. ال ايماقتىڭ جالاڭاشكول اۋدانىندا جەلدىڭ ەكپىنى 28 م/س بولادى. سونداي-اق شىعىس قازاقستان وبلىسىندا جەلدىڭ ۇيتقۋى 30 م/س جەتىپ, بوران سوقسا, پاۆلودار وبلىسىندا دا وسى كورسەتكىش قايتالانادى دەپ كۇتىلۋدە.
قاراعاندى وبلىسىندا كۇندىز 15-20, تۇندە 25م/س جەل كۇشەيىپ, بوران سوعادى. ال جامبىل, وڭتۇستىك قازاقستان وبلىستارىندا تۇمان ءتۇسىپ, كوكتايعاق بولسا, قىزىلوردا وبلىسىنىڭ كەيبىر جەرلەرىندە كوكتايعاق بولادى دەپ بولجانۋدا.
ءابدىراحمان قىدىربەك
دەرەككوز: 24.kz
فوتو: Nur.kz
