«بالالاردى ەرتە دامىتۋ ماسەلەلەرى ءبىز ءۇشىن ەرەكشە ماڭىزعا يە. ءبىز كوبىنەسە ساندىق كورسەتكىشتەرگە ءمان بەرىپ, بالالاردى قامتۋعا كوڭىل ءبولىپ, ال ساپا مەن مازمۇن باعىتىنا ءتيىستى دەڭگەيدە نازار اۋدارۋعا مۇمكىندىك بولعان ەمەس. 3 جاستان 6 جاسقا دەيىنگى بالالاردى مەكتەپكە دەيىنگى بىلىممەن قامتۋ 2021 جىلى 98,1%-عا جەتكەننەن كەيىن, ساپا مەن مازمۇن ماسەلەسىنە نازار اۋدارۋ كەرەك دەپ ويلامىن», دەدى مينيستر.
ونىڭ ايتۋىنشا, جاڭا وقۋ جىلىنان باستاپ مەملەكەت باسشىسىنىڭ تاپسىرماسى بويىنشا بالاباقشالاردا مەكتەپكە دەيىنگى ءبىلىم بەرۋدىڭ جاڭا مودەلىن ەنگىزۋ باستالادى. بۇل ءۇشىن مەملەكەتتىك ستاندارتقا وزگەرىستەر ەنگىزىلەدى جانە «ويىن ارقىلى وقىتۋ» قاعيداتى نەگىزىندە ۇلگىلىك وقۋ باعدارلامالارى قايتا قارالادى. سونىمەن قاتار جەكەمەنشىك بالاباقشالاردى دامىتۋدى ىنتالاندىرۋ ۆاۋچەرلىك تەتىكتى ەنگىزۋ جولىمەن جالعاساتىن بولادى.
