سالتاناتتى كەش يتاليانىڭ برەشيا قالاسىندا ءوتتى. وعان كوماندانىڭ دەمەۋشىلەرى, سپورتشىلاردىڭ وتباسى مۇشەلەرى مەن بۇقارالىق اقپارات قۇرالدارداردىڭ وكىلدەرى قاتىستى. بۇل تۋرالى egemen.kz ءتىلشىسى حابارلادى.
راسىمدە «استانا» كومانداسىنىڭ باس مەنەدجەرى الەكساندر ۆينوكۋروۆ بيىلعى ماۋسىمدا جارىس جولىنا شىعاتىن ۆەلوشاباندوزدارى تانىستىرىپ, كوماندانىڭ الداعى ماقسات-مىندەتتەرىن جاريا ەتتى. وندا ۆينوكۋروۆ 2014 جىلى كوماندانىڭ الدىنا قويعان باستى ماقساتى «تۋر دە فرانس» كوپكۇندىگىندە جەڭىسكە جەتۋ ەكەندىگىن ايتتى. "وتكەن جىلى بارلىعىمىز ات سالىسىپ «دجيرو د يتاليادا» جەڭىسكە جەتتىك. دىتتەگەنگە جەتۋ وڭاي بولعان جوق. بىراق الدىمىزدان شىققان قيىندىقتارعا مويىماي, ءبىر جاعادان باس, ءبىر جەڭنەن قول شىعارىپ, برەشيا قالاسىنىنىڭ تورىندە تۇعىردىڭ ەڭ بيىك ساتىسىنا كوتەرىلدىك. سوندىقتان ماۋسىمدى برەشيادا باستاۋ ءبىز ءۇشىن ۇلكەن قۇرمەت. ال الداعى ماۋسىمدا «تۋر دە فرانستا» مىقتى اتانۋعا بارىمىزدى سالامىز," - دەدى ول.
بىلتىر برەشيادا وتكەن «دجيرونىڭ» سوڭعى كەزەڭىنە يىعىنا قىزىل كۇلگىن جەيدەنى كيىپ جەتكەن «Astana Pro Team» كاپيتانى ۆينچەنتسو نيبالي «تۋر دە فرانس» قازاقستاندىق ۆەلوۇجىمنىڭ الدىنا ۇلكەن ماقساتتار قويىپ وتىرعانىن ايتتى. "شىلدە ايىندا وتەتىن «تۋر دە فرانس» – كوماندانىڭ باستى ماقساتى. سوندىقتان ءبىزدىڭ بارلىق جوسپارىمىز وسى ماقساتقا جەتۋدى كوزدەيتىن جارىستاردان تۇرادى. ليدسەدە باستالاتىن مارتەبەلى كوپكۇندىككە ءوز بابىمىزدا كەلەمىز دەگەن سەنىمدەمىز. بىرنەشە كۇننەن كەيىن ۇزاققا سوزىلاتىن ماۋسىمنىڭ بەتاشارى ارگەنتينا مەن اۆسترالياعا اتتانامىز. سونداي اق, ءبىزدىڭ كوماندا ميلان-سانرەمو, لەج-باستون-لەج, پاريج-نيتستسا, تيررەنو-ادرياتيكودا جەڭىسكە تالاسادى, ال «دجيرو يتاليادا» جەڭىمپاز جەيدەسىن قورعاۋعا بارىمىزدى سالاتىن بولامىز. دىتتەگەنگە جەتۋ وڭاي بولماسى انىق. كوماندانىڭ بارلىق مۇشەلەرى ايانىپ قالماسىنادا سەنىمدىمىن," – دەدى نيبالي.
وسىدان كەيىن راسىمدە «Astana Pro Team» كاپيتانى نيبالي باستاعان كوماندا شاباندوزدارىمەن قاتار كوماندانىڭ جاڭا مۇشەلەرى ميكەل لاندا (يسپانيا), ليۋۆ ۆەسترا (نيدەرلاندى), ۆالەنتين يگلينسكي (قازاقستان) مەن ميكەلە سكارپوني (يتاليا) سىندى شاباندوزداردىڭ كوماندا ساپىنا قوسىلعاندىعى رەسمي جاريا ەتىلدى.
داستان كەنجالين.
دەرەككوز: «Astana Pro Team» ۆەلوكومانداسىنىڭ ءباسپاسوز حاتشىسى كريس بولديۋن, www. proteam-astana.com
