ەكونوميكا • 19 تامىز، 2021

وسىمدىك شارۋاشىلىعى جاڭا تارتىپپەن سۋبسيديالانادى

241 رەت كورسەتىلدى

وسىمدىك شارۋاشىلىعى ونىمدەرىنىڭ ونىمدىلىگى مەن ساپاسىن ارتتىرۋدى سۋبسيديالاۋ قاعيدالارىنا وزگەرىستەر ەنگىزىلدى، دەپ جازادى Egemen.kz «حابار 24-كە» سىلتەمە جاساپ.


«قاراقۇمىق جانە مايلى داقىلدار وسىرۋمەن اينالىساتىن اۋىل شارۋاشىلىعى تاۋارىن وندىرۋشىلەردى مەملەكەتتىك قولداۋ جانە وسى داقىلداردى قايتا وڭدەۋمەن اينالىساتىن كاسىپورىنداردىڭ جۇكتەمەسىن ۇلعايتۋ ءۇشىن جانە ىشكى نارىقتاعى باعانى تۇراقتاندىرۋ ماقساتىندا قازاقستان رەسپۋبليكاسىنىڭ اۋىل شارۋاشىلىعى مينيسترلىگى «وسىمدىك شارۋاشىلىعى ءونىمىنىڭ ونىمدىلىگى مەن ساپاسىن ارتتىرۋدى سۋبسيديالاۋ قاعيدالارىن بەكىتۋ تۋرالى» قازاقستان رەسپۋبليكاسى اۋىل شارۋاشىلىعى ءمينيسترىنىڭ 2020 جىلعى 30 ناۋرىزداعى №107 بۇيرىعىنا وزگەرىستەر مەن تولىقتىرۋلار ەنگىزۋ تۋرالى» 2021 جىلدىڭ 10 تامىزىنداعى №236 بۇيرىعىن قابىلدادى»،  دەلىنگەن قر اشم تاراتقان مالىمەتتە.

سونىمەن قاتار بۇيرىقتا قورعالعان توپىراقتا وسىرىلەتىن قىزاناق پەن قيار داقىلدارىنىڭ تۇقىمىنا، تىڭايتقىشقا جانە پەستيتسيدتەرگە (بيواگەنتتەرگە) جۇمسالعان شىعىندارىن ءىشىنارا وتەۋ شارالارى قاراستىرىلعان. بۇل رەتتە قىزاناق پەن قياردىڭ ەليتالىق تۇقىمدارى جانە ءبىرىنشى ۇرپاق بۋداندارىنىڭ تۇقىمدارى بويىنشا سۋبسيديالار قىزاناق پەن قياردى ونەركاسىپتىك جىلىجاي كەشەندەرىندە قورعالعان توپىراق جاعدايىندا وسىرەتىن فەرمەرلەرگە (اۋىل شارۋاشىلىعى كووپەراتيۆتەرىنە) ارنالادى.

بۇل بۇيرىق قازاقستان رەسپۋبليكاسى ادىلەت مينيسترلىگىنىڭ نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە 2021 جىلعى 13 تامىزدا №23986 بولىپ تىركەلدى. بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.


سوڭعى جاڭالىقتار

دوللار ارزاندادى

قارجى • بۇگىن، 16:22

شىمكەنتتە دە LRT سالىنۋى مۇمكىن

ايماقتار • بۇگىن، 12:50

دوللار باعاسى تاعى قىمباتتادى

ەكونوميكا • بۇگىن، 10:32

ۇقساس جاڭالىقتار