ايتا كەتەيىك, اتالعان اۋداندا ۇزاق جىلدار بويى تۇرعىن ۇيلەر قازاندىقتىڭ كومەگىمەن جىلىتىلىپ كەلگەن. تۇرعىندار بولسا پاتەرلەرىندەگى تەمپەراتۋرانىڭ تومەندىگىنە شاعىمدانعان.
جاڭا جىلۋ ماگيسترالى 2020 جىلى «جۇمىسپەن قامتۋ جول كارتاسى» باعدارلاماسى بويىنشا سالىنا باستادى. بالقاش جىلۋ ەلەكتر ورتالىعىنان قوڭىراتقا دەيىن 17 شاقىرىم جىلۋ قۇبىرى تارتىلدى. جوبانى ىسكە اسىرۋ قاراعاندى وبلىسىنىڭ اكىمى جەڭىس قاسىمبەكتىڭ تۇراقتى باقىلاۋىندا بولدى. جاقىن ارادا جەلى قىسىممەن تەكسەرىلىپ, قىركۇيەك ايىنا دەيىن نىسان پايدالانۋعا بەرىلەدى. جوبانى ىسكە اسىرۋ كەزىندە جوبانى باسقارۋ ادىستەرى مەن قۇرالدارى ەسكەرىلدى.
ورتالىق جىلۋعا تۇرعىن ۇيلەر, الەۋمەتتىك سالا جانە بيزنەس نىساندارى قوسىلاتىن بولادى. سونىمەن قاتار قوڭىراتتا ۇزىندىعى 8,3 شاقىرىم بولاتىن ورامىشىلىك جىلۋ جەلىلەرى سالىنۋدا. بۇل جوبالاردى ىسكە اسىرۋ شاعىناۋداننىڭ 3 مىڭعا جۋىق تۇرعىنىن ساپالى ءارى ۇزدىكسىز جىلۋمەن قامتاماسىز ەتۋگە مۇمكىندىك بەرەدى.
