ساياسات • 19 تامىز، 2021

ءوزارا ءىس-قيمىلدىڭ بولاشاعى تالقىلاندى

23 رەت كورسەتىلدى

تاشكەنت قالاسىندا (وزبەكستان) «ورتالىق جانە وڭتۇستىك ازيانىڭ ءوزارا بايلانىسى: العىشارتتار، پەرس­پەكتيۆالار، گەوستراتەگيالىق ماڭىزى» تاقىرىبىنا ارنالعان حالىقارالىق عىلىمي-تاجىريبەلىك كونفەرەنتسيا ءوتتى، دەپ حابارلادى پارلامەنت سەناتىنىڭ ءباسپاسوز قىزمەتى.

 وزبەكستان رەسپۋبليكاسى ولي ءماجليسىنىڭ قولداۋىمەن ۇيىم­داستىرىلعان جيىنعا قازاق­ستان رەسپۋبليكاسى پار­لامەنتى سەناتى تور­اعا­سى­نىڭ ورىنباسارى اسقار شاكىروۆ قاتىستى.

ول ءوز سوزىندە ورتالىق جا­نە وڭتۇستىك ازيا ەلدەرىنىڭ ساۋ­دا-ەكونوميكالىق جا­نە ينۆەستيتسيالىق ىنتى­ماق­تاستىعىن ارتتىرۋ قاجەتتىگىن ايتتى. سونداي-اق ۆيتسە-سپيكەر ورتالىق ازيا ءوڭىرىنىڭ ايتار­لىقتاي الەۋەتىنە ەرەكشە نازار اۋداردى. قازىرگى تاڭدا 75 ملن-نان استام ادامدى قامتيتىن ءوڭىردىڭ جىلدىق جال­­پى جيىن­تىق ءونىمى شامامەن 300 ملرد اقش دوللارىن قۇ­راي­دى. ال سىرت­قى ساۋدا اينا­لىمى 145 ملرد دوللاردان اسادى.

ودان بولەك، ء«بىر بەلدەۋ جانە ءبىر جول»، ترانسكاسپي حالىق­ارالىق كولىك ءدالىزى، ەۋرا­­زيالىق ەكونوميكالىق وداق سياق­تى اۋقىمدى جوبالار ايا­سىندا قالىپتاسقان ەۋرا­زيا­­نىڭ ورتالىعىنداعى كولىك ين­تەگراتسياسىنا باسا ءمان بەرىلدى.

قازاقستان پرەزيدەنتى قاسىم-جومارت توقاەۆ بيىل 6 تا­مىزدا وتكەن ورتالىق ازيا مەملەكەتتەرى باسشىلارىنىڭ كونسۋلتاتيۆتىك كەزدەسۋىندە وسى ماسەلەگە توقتالعان ەدى. قازاقستان پرەزيدەنتى سول كەزدەسۋدە ورتالىق ازيادا كولىك كوممۋنيكاتسيالارىن دامىتۋ ايماق ەلدەرىنىڭ ىشكى جالپى ءونىمىن 15 پايىزعا وسىرۋگە مۇم­كىندىك تۋعىزاتىنىن ايتىپ، ونى اسا زور رەزەرۆ دەپ اتادى.

سونداي-اق ۆيتسە-سپيكەر وڭىرلىك قاۋىپسىزدىك پروب­لە­ما­تي­كا­سىنا، اتاپ ايتقاندا، اۋعان­­ستانداعى قازىرگى جاع­دايعا نازار اۋدارىپ، بۇل ماسە­­لەدە وڭ جاعى­نان تانىلعان كەلىس­­سوز الاڭ­دارىن بەلسەندى پاي­دا­­لانۋعا شا­قىردى. «ين­كليۋ­زيۆتى مەملەكەت يدەياسى­نىڭ وزەكتىلىگى جويىلعان جوق. ما­سەلە اسكەري جولمەن شەشىل­مەي­دى. سوندىقتان قارسى تا­راپ­­تار كەلىسسوزدەر جۇرگىزۋ ءۇشىن ءبىر ۇستەلدىڭ باسىنا وتى­رۋى كەرەك»، دەدى اسقار شا­كىروۆ.

سونىمەن قاتار كونفەرەنتسيا بارىسىندا وڭىرارالىق ءوزارا ءىس-قيمىلدى تۇراقتى دا­­مىتۋ ماسەلەلەرى ءسوز بولدى. ول ءۇشىن ءوڭىر ەلدەرىنىڭ سايا­­سي-ديپلوماتيا­لىق، ساۋ­دا-ەكو­نوميكالىق جانە ما­دە­ني-گۋ­مانيتارلىق ىنتى­ماق­تاستى­عىن ارتتىرۋدىڭ، وسى با­عىت­­تاعى ءتيىمدى تەتىكتەردى ازىر­­لەۋدىڭ ماڭىزى زور ەكەنى ايتىلدى.

جيىنعا قاتىسۋشىلار دەن­ساۋلىق ساقتاۋ جانە بيو­قا­ۋ­ىپ­سىزدىك ماسەلەلەرىن دە تال­­قىلادى. بۇل باعىتتا بولا­­شاقتا بيولو­گيا­لىق قاۋىپ­­تەردىڭ الدىن الۋعا جانە قاۋىپتى اۋرۋلار تۋرالى ما­لى­­مەتتەر الماسۋعا ىقپال ەتەتىن حا­­لىق­­­ارالىق بيولوگيالىق قاۋىپ­سىز­دىك جونىندەگى اگەنتتىك قۇرۋ تۋرا­­لى قازاقستاننىڭ باستا­ماسى اتاپ ءوتىلدى.

سوڭعى جاڭالىقتار

ۆاكتسينا سالدىرعاندار سانى ارتتى

كوروناۆيرۋس • بۇگىن، 09:17

1227 قازاقستاندىق ىندەتتەن ساۋىقتى

كوروناۆيرۋس • بۇگىن، 09:08

وتكەن تاۋلىكتە 1169 ادام ىندەت جۇقتىردى

كوروناۆيرۋس • بۇگىن، 09:01

قارسىلاستار انىقتالدى

سپورت • بۇگىن، 08:47

پۋتينتسەۆا ۇتىلىپ قالدى

سپورت • بۇگىن، 08:46

مەرەي كۇمىس الدى

سپورت • بۇگىن، 08:45

سەربيادان ولجالى ورالدى

سپورت • بۇگىن، 08:43

تەمىرتاۋدا گاز تۇتاندى

ايماقتار • بۇگىن، 08:43

جومارت جاننىڭ جاقسىلىعى كوپ

قوعام • بۇگىن، 08:40

مەدال سانى 70-تەن استى

سپورت • بۇگىن، 08:38

ادەبيەتتانۋ تارلانى

ادەبيەت • بۇگىن، 08:33

شۇمەكتەن شىققان سۋ مەن شۋ

قوعام • بۇگىن، 08:23

«اينەگىڭىزدى جۋىپ بەرەيىك»

قوعام • بۇگىن، 08:21

اۋىل ەڭبەككەرلەرىمەن جۇزدەستى

ساياسات • بۇگىن، 08:15

شەكارانىڭ شەبى بەرىك

قازاقستان • كەشە

ۇقساس جاڭالىقتار