ايماقتار • 18 تامىز، 2021

الماتى وبلىسىندا اعاسىن ولتىرگەن ەر ادام ۇستالدى

3380 رەت كورسەتىلدى

الماتى وبلىسىندا ەكى اعايىندى اراسىنداعى جانجال كىسى ولىمىمەن اياقتالدى، دەپ حابارلايدى Egemen.kz Polisia.kz سايتىنا سىلتەمە جاساپ.

«ەسكەلدى اۋداندىق ورتالىق اۋرۋحاناسىنا قارابۇلاق كەنتىنىڭ 50 جاستاعى تۇرعىنى تۇسكەن. ەر ادام ءحالىنىڭ اۋىر جاعدايىنا بايلانىستى اتى-ءجونىن ەسىنە تۇسىرە الماي، وعان نە بولعانىن تۇسىندىرە المادى. مەديتسينالىق كومەك كورسەتۋ كەزىندە ول تالدىقورعان قالاسىنىڭ كوپسالالى اۋرۋحاناسىنا اۋىستىرىلدى. وندا ول ەسىن جيناي الماي، ىشكى قان قۇيىلۋ سالدارىنان قايتىس بولدى»، دەپ جازادى قر ءىىم رەسمي رەسۋرسى.

اتالعان دەرەك قر قك-ءنىڭ 106-بابى 3-بولىگى «ولىمگە اكەلىپ سوققان دەنساۋلىققا اۋىر زيان كەلتىرۋ» بويىنشا سدتبت-دە تىركەلدى.

جابىرلەنۋشى اعاسىمەن ءبىر اۋلادا تۇرعانى تۋرالى اقپارات بەلگىلى بولدى. تەرگەۋ شارالارى ناقتىلاعانداي، ەكى اعايىندى اراسىندا داۋ شىعىپ، قاقتىعىس كەزىندە اعاسى مارقۇمنىڭ باسىن ەكى مەترلىك اعاشپەن ۇرعانى انىقتالدى. ۇستالعان ب. ەسىمدى 53 جاستاعى ازامات ءوز قىلمىسىن مويىندادى.

سوڭعى جاڭالىقتار

شەكارانىڭ شەبى بەرىك

قازاقستان • كەشە

باقىت مينيسترلىگى

قوعام • كەشە

ەلەكتر جەلىلەرى توزىپ تۇر

ەكونوميكا • كەشە

ۇلت ۇستازىنىڭ ۇلاعاتى

احمەت بايتۇرسىن ۇلى • كەشە

«قىلمىسكەر» قالام

ونەر • كەشە

ۇقساس جاڭالىقتار