پارلامەنتتىك توپ وداقتىڭ ەسەپ پالاتاسىنىڭ قىزمەتكەرى الەكساندرا ماركەستىڭ مالىمدەمەسىن قابىلدادى, ول ەل پرەزيدەنتىنىڭ «قۇجاتى» شىندىققا جاناسپايتىنىن حابارلادى.
«قولىنداعى جالعان قۇجاتقا نەگىزدەلگەن دجەير بولسونارۋ ماۋسىم ايىندا برازيليادا COVID-19-دان تۋىنداعان ءولىم-ءجىتىم كەم دەگەندە 50 پايىزعا ازايعانىن مالىمدەدى», دەپ ءتۇسىندىردى ماركەس.
سەنات كوميسسياسىنىڭ باسشىسى پرەزيدەنت بۇل مالىمدەمەنى 2020 جىلدىڭ ماۋسىمىندا, ەلدە 475 مىڭنان استام كوروناۆيرۋس ءولىمى بولعان كەزدە جاساعانىن ايتتى. بولسونارۋ مەرلەر مەن گۋبەرناتورلاردى دەنساۋلىق داعدارىسىمەن كۇرەسۋ ءۇشىن مەملەكەتتەن كوبىرەك قارجى رەسۋرستارىن الۋ ءۇشىن وسى سانداردى «اسىرا پايدالاندى» دەپ ايىپتاعان بولاتىن.
«پرەزيدەنتتىڭ وسى «جۇمىس قۇجاتىنا» نەگىزدەلگەن ءسوزى مۇلدەم جاۋاپسىز جانە ورىنسىز بولدى», دەدى شەنەۋنىك.
كوميسسيانىڭ ۆيتسە-پرەزيدەنتى سەناتور راندولف رودريگەستىڭ ايتۋىنشا, قۇجاتقا «رەسمي سيپات بەرۋ ءۇشىن» TCU لوگوتيپىن ەنگىزۋ جالعان اقپارات تاراتۋدان گورى اۋىر قىلمىس بولۋى مۇمكىن.
ايتا كەتسەك, برازيليا پرەزيدەنتى پاندەميا باستالعاننان بەرى بىرنەشە رەت ساراپشىلاردىڭ ۇندەۋلەرىن ەلەمەي, ماسكا كيۋدەن باس تارتىپ, وقشاۋلاۋ شارالارىن قولدانۋعا قارسى بولدى. ۆيرۋستىڭ تارالۋىنا قاراماستان, برازيليا ازاماتتارى شەتەلگە ۇشا بەرگەن. بۇل ءۇشىن برازيليا كاسىپوداقتارى پرەزيدەنتتى سوتقا بەردى.
