اگەنتتىك توراعاسىنىڭ ءبىرىنشى ورىنباسارى ولجاس بەكتەنوۆ اۋىل شارۋاشىلىعى تاۋارلارىن وندىرۋشىلەردى سۋبسيديالاۋ سالاسىندا جەمقورلىق تاۋەكەلدەرىنىڭ بار ەكەنىن, بيۋدجەت قاراجاتىن ءتيىمسىز پايدالانۋ فاكتىلەرىنىڭ تىركەلگەنىن, بۇل فەرمەرلەردىڭ كوپتەگەن شاعىمدارىمەن جانە جەدەل-تەرگەۋ پراكتيكاسىمەن راستالعانىن ايتتى.
اتاپ ايتقاندا, مال شارۋاشىلىعى سالاسىندا قوس سۋبسيديالاۋ, سونداي-اق قاجەتتى مال باسى مەن راستايتىن قۇجاتتارى جوق سۋبسيديالاۋ فاكتىلەرى انىقتالدى. ماسەلەن, اسىل تۇقىمدى مالدى ءىس جۇزىندە ساتىپ الماي سۋبسيديانى زاڭسىز الۋ فاكتىسى بويىنشا جامبىل وبلىسىنىڭ اۋىل شارۋاشىلىعى باسقارماسىنىڭ ءبولىم باسشىسىنا قاتىستى ءىس سوتقا جولداندى.
سونداي-اق اقمولا وبلىسىنىڭ «اۋىل شارۋاشىلىعى باسقارماسى» مم باسشىسى ۇستالدى. ول ءوز وكىلەتتىگىنىڭ اياسىنا كىرەتىن شەشىم قابىلداعانى ءۇشىن كاسىپكەرلەردەن ءىرى مولشەردە پارا الدى دەگەن كۇدىككە ءىلىندى.
سونىمەن قاتار اۋىل شارۋاشىلىعى تاۋارلارىن وندىرۋشىلەر بولىپ تابىلمايتىن جەكە جانە زاڭدى تۇلعالارعا سۋبسيديالار تولەۋ فاكتىلەرى انىقتالدى. مىسالى, تۇركىستان وبلىسىندا اۋىل شارۋاشىلىعى ونىمدەرىن وندىرۋگە قاتىسى جوق 203 كاسىپكەرلىك سۋبەكتىسىنە (سۇلۋلىق سالونى, فارمكومپانيالارعا, جىلجىمايتىن م ۇلىكتى جالعا بەرۋ, اۆتوموبيلدەردى جوندەۋ سالاسىندا اككرەديتتەلگەن كاسىپورىندارعا جانە ت.ب.) 825 ملن تەڭگەدەن استام سوماعا اسىل تۇقىمدى مال شارۋاشىلىعىن قولداۋ سالاسىندا سۋبسيديالار بەرىلگەن.
