ايماقتار • 18 تامىز، 2021

بيىل الماتىنىڭ 6 مىڭنان استام تۇرعىنى باسپانامەن قامتىلادى

58 رەت كورسەتىلدى

بۇل تۋرالى وڭىرلىك كوممۋنيكاتسيالار قىزمەتىنىڭ ءباسپاسوز كونفەرەنتسياسىندا الماتى قالاسىنىڭ تۇرعىن ءۇي ساياساتى باسقارماسىنىڭ باسشىسى دانيار قىرىقباەۆ مالىمدەدى، دەپ جازادى Egemen.kz.

د. قىرىقباەۆتىڭ ايتۋىنشا، بۇگىندە كوممۋنالدىق تۇرعىن ءۇي قورىنان باسپاناعا مۇقتاج جانداردىڭ كەزەگىندە 30 880 ازامات تۇر. ونىڭ ىشىندە: 1 908 – جەتىم بالالار; 3 268 – كوپبالالى وتباسىلار; 11 292 – بيۋدجەتتىك ۇيىمداردىڭ قىزمەتكەرلەرى; 14 412 – حالىقتىڭ الەۋمەتتىك وسال توپتارى.

«جىل باسىنان بەرى 1 909 ازامات تۇرعىن ۇيمەن قامتاماسىز ەتىلدى. ونىڭ ىشىندە 41 ادام كوممۋنالدىق تۇرعىن ءۇي قورىنان پاتەر الدى، ياعني جالدامالى، ساتىپ الۋ قۇقىعىنسىز، 1117 - «شاڭىراق» باعدارلاماسى بويىنشا 13 ميلليارد 500 ملن تەڭگەگە جۋىق، تاعى 85 ادام - «باقىتتى وتباسى» باعدارلاماسى بويىنشا (2-10- 20) 118 ملن 400 مىڭ تەڭگەگە جانە 666 ادام «الماتى جاستارى» باعدارلاماسى بويىنشا (5-10-25) 8 ميلليارد 800 ميلليون تەڭگە سوماسىندا»، دەدى تۇرعىن ءۇي ساياساتى باسقارماسىنىڭ باسشىسى. 

د. قىرىقباەۆتىڭ ايتۋىنشا، بيىل 6 047 الماتىلىقتى تۇرعىن ۇيمەن قامتاماسىز ەتۋ جوسپارلانعان. ونىڭ ىشىندە 1 451 ادام جالدامالى باسپاناعا ساتىپ الۋ قۇقىعىنسىز كوشە الادى، كەزەكتە تۇرعان 401 ادامعا پاتەر ساتىپ الۋ قۇقىعىنسىز جالعا (185 - كوپبالالى وتباسىلار; 216 - حالىقتىڭ الەۋمەتتىك وسال توپتارى) بەرىلەدى. جۇمىس ىستەيتىن 29 جاسقا دەيىنگى جاستار ءۇشىن 1 050 پاتەر ساتىپ الۋ قۇقىعىنسىز 5 جىلعا جالعا بەرىلدى، 35 جاسقا دەيىنگى «الماتى جاستارى» باعدارلاماسى بويىنشا 1 000 پاتەر.

«الماتى قالاسىنىڭ اكىمى باقىتجان ساعىنتاەۆتىڭ تاپسىرماسى بويىنشا «شاڭىراق»، «باقىتتى وتباسى»، «نەسيەلىك تۇرعىن ءۇي» جەڭىلدىك نەسيەلىك باعدارلامالارى بويىنشا باستاپقى تولەم ءۇشىن نومينالى 1 ميلليون تەڭگەنى قۇرايتىن 2 000 قايتارىمسىز تۇرعىن ءۇي سەرتيفيكاتىن بەرۋ تۋرالى شەشىم قابىلداندى»، دەدى د. قىرىقباەۆ.

تۇرعىن ءۇي سەرتيفيكاتى جەتىم بالالارعا، كوپبالالى وتباسىلارعا، مۇگەدەك بالاسى بار وتباسىلارعا، 1 جانە 2 توپتاعى مۇگەدەكتەرگە بەرىلەدى. ايتا كەتەرلىگى، 2 شىلدەدەن 17 تامىز ارالىعىندا 127 ءوتىنىم قابىلدانىپ، ماقۇلداندى.

سوڭعى جاڭالىقتار

اۋەزوۆ جانە تۇركى الەمى

رۋحانيات • كەشە

يدەولوگيا

رۋحانيات • كەشە

مەيىرىم مەن قاتىگەزدىك

رۋحانيات • كەشە

ەسكى مەن جاڭا اراسى

رۋحانيات • كەشە

بي پاديشاسى

رۋحانيات • كەشە

ساپا قايتسە جاقسارادى؟

قازاقستان • كەشە

قايىرىمدىلىقتىڭ ۇلگىسى

قازاقستان • كەشە

ساق ءداۋىرىنىڭ تاسى

تانىم • كەشە

ۇقساس جاڭالىقتار