كوميتەت توراعاسىنىڭ ايتۋىنشا, قر ۇەم تابيعي مونوپوليالاردى رەتتەۋ كوميتەتى تابيعي مونوپوليالار سالاسىنداعى زاڭنامانى بۇزعانى ءۇشىن بىلتىر 1 ملرد تەڭگە كولەمىندە اكىمشىلىك ايىپپۇل تاعايىندادى.
سونداي-اق پرەزيدەنتتىڭ 2019 جىلعى 19 ماۋسىمداعى تاپسىرمالارىن ورىنداۋ اياسىندا تۇرعىن ءۇي كوممۋنالدىق شارۋاشىلىق سالاسىندا تابيعي مونوپوليالار سۋبەكتىلەرىنىڭ تۇتىنۋشىلاردىڭ قاراجاتىن ماقساتتى پايدالانۋعا جانە كوممۋنالدىق قىزمەتتى ىنتالاندىرۋ قاتىناسىن قالىپتاستىرۋعا ارنالعان شارالار قابىلداندى.
كوميتەتتىڭ دەرەگىنە سۇيەنسەك, اتالعان باعىتتا اكىمشىلىك قۇقىقبۇزۋشىلىق بويىنشا 412 قاۋلى شىعارعان.
«ونىڭ ىشىندە مەملەكەت كىرىسىنە 631,2 ملن تەڭگە, 2021 جىلدىڭ 1-جارتىجىلدىعى ءۇشىن اكىمشىلىك ايىپپۇلدار – 332,8 ملن تەڭگە, ونىڭ ىشىندە مەملەكەت كىرىسىنە 173,7 ملن تەڭگە ءوندىرىلدى. مەملەكەتتىك باقىلاۋدى جۇزەگە اسىرۋ اياسىندا 2020 جىلى قازاقستان رەسپۋبليكاسى تابيعي مونوپوليالار سالاسىنداعى زاڭناماسىن بۇزۋشىلىقتاردى جويۋ تۋرالى 390 نۇسقاما ەنگىزىلىپ, 244-ءى ورىندالدى.
2021 جىلدىڭ 1-جارتىجىلدىعىندا تابيعي مونوپوليالار تۋرالى زاڭناما نورمالارىنىڭ بۇزىلۋىن جويۋ تۋرالى 270 ۇيعارىم ەنگىزىلدى, ونىڭ 162 ۇيعارىمى ورىندالدى», دەدى ول.
