ۇكىمەت باسشىسى اقتوبە وبلىسى – باتىس الومەراتسياسىنىڭ ورتالىعى, ەلىمىزدەگى ماڭىزدى يندۋستريالىق-اگرارلىق ءوڭىر ەكەنىن اتاپ ءوتتى.
مەتاللۋرگيا, حيميا جانە مۇناي-گاز سالالارىن دامىتۋ ءۇشىن وبلىستىڭ ايتارلىقتاي الەۋەتى بار. كەشەندى جوسپاردىڭ 36 ءىس-شاراسىن ىسكە اسىرۋ وبلىستىڭ دامۋىنا جاڭا سەرپىن بەرەدى, بەس جىل ىشىندە شامامەن 5,8 ترلن تەڭگە ينۆەستيتسيا تارتۋعا, ونىڭ ىشىندە 1,7 ترلن تەڭگە شەتەلدىك ينۆەستيتسيا تارتۋعا مۇمكىندىك بەرەدى.
اقتوبە وبلىسىنىڭ ەلدى مەكەندەرىندە ينجەنەرلىك-كوممۋنيكاتسيالىق, يندۋستريالىق, كولىك ينفراقۇرىلىمىن دامىتۋ جوبالارى جۇزەگە اسىرىلاتىن بولادى.
وڭىردە 450 گا اۋماقتا تۇرىك ينۆەستورلارىن تارتۋمەن «Gebze» ەرەكشە شارتتارى بار يندۋستريالىق ايماعى قۇرىلادى. جوبا 20 مىڭنان استام جاڭا جۇمىس ورىندارىن قۇرۋعا جانە 500 ملرد تەڭگەدەن استام جەكە ينۆەستيتسيا تارتۋعا مۇمكىندىك بەرەدى.
تاۋ-كەن مەتاللۋرگياسى ونەركاسىبىنىڭ ەكونوميكالىق تيىمدىلىگىن ارتتىرۋ ماقساتىندا جەكە ينۆەستيتسيالار ەسەبىنەن ايتەكە بي اۋدانىندا كاتودتى مىس ءوندىرۋ كەشەنىن كەڭەيتۋ جانە مارتوك اۋدانىندا تيتان-تسيركوني كەن ورنىن يگەرۋ بويىنشا جۇمىستار جۇرگىزىلەتىن بولادى. دەرەكتەردى وڭدەۋ ورتالىعىن پايدالانۋعا بەرۋ جانە گاز وڭدەۋ زاۋىتى قۇرىلىسىنىڭ ەكىنشى كەزەڭىن ىسكە اسىرۋ جوسپارلانۋدا.
اگروونەركاسىپتىك كەشەندەگى 5 جوبانى ىسكە اسىرۋ ارقىلى 2026 جىلعا قاراي وبلىستا سۋارمالى جەرلەردىڭ كولەمىن 40 مىڭنان 100 مىڭ گا دەيىن, ءىرى قارا مال باسىن 225%-عا, جىلقى باسىن 130%-عا ۇلعايتۋ جوسپارلانعان. ەت ءوندىرىسى 140%-عا 220 مىڭ تونناعا, ءسۇت ءوندىرۋ 130%-عا 447 مىڭ تونناعا دەيىن ارتتىرىلادى.
اقتوبە وبلىسىنىڭ وڭىرارالىق بايلانىسىن نىعايتۋ ماقساتىندا 525 شاقىرىم رەسپۋبليكالىق جانە جەرگىلىكتى ماڭىزى بار اۆتوموبيل جولى جاڭارتىلادى. «اقتوبە-ورسك» جانە «اقتوبە قالاسىنىڭ وڭتۇستىك اينالما جولى» سياقتى جوبالاردى ىسكە اسىرۋ اقتوبە قالاسىنىڭ ء«وسۋ ورتالىعى» جانە ەلدىڭ باتىسىنداعى ءىرى كولىك تورابى رەتىندەگى ءرولىن كۇشەيتەدى. «اقتوبە-حرومتاۋ-قارابۇتاق-ۇلعايسىن» جانە «اقتوبە-اتىراۋ-استراحان» اۆتوموبيل جولدارىن ودان ءارى قايتا جاڭارتۋ جاقسى جانە قاناعاتتانارلىق جاعدايدا اۆتوموبيل جولدارىنىڭ ۇلەسىن 61%-دان 95%-عا دەيىن ارتتىرۋعا مۇمكىندىك بەرەدى. جولاۋشىلار اعىنى مەن كورشى وبلىستارمەن جۇك تاسىمالىنىڭ ۇلعايۋى ناتيجەسىندە اقتوبە وبلىسىنىڭ تاۋار اينالىمى 5 جىل ىشىندە 1,5 ەسە ارتىپ, 2,3 ترلن تەڭگەگە دەيىن وسەدى دەپ كۇتىلۋدە.
دەنساۋلىق ساقتاۋ مەن ءبىلىم بەرۋ جۇيەسىندە كورسەتىلەتىن قىزمەتتەردىڭ قولجەتىمدىلىگى مەن ساپاسىن جاقسارتۋ ءۇشىن زاماناۋي ينفراقۇرىلىم قۇرىلادى. وبلىستىق كوپبەيىندى اۋرۋحانانى پايدالانۋعا بەرۋمەن قاتار, وڭىردە بالالار گەماتولوگياسىنىڭ ونكولوگيالىق ورتالىعى سالىنادى, سونداي-اق كەمىندە 25 دەنساۋلىق ساقتاۋ وبەكتىسى كۇردەلى جوندەۋدەن ءوتىپ, جوعارى تەحنولوگيالىق مەديتسينالىق جابدىقتارمەن جابدىقتالادى. وبلىس بويىنشا 49 مەكتەپ پەن اقتوبە قالاسىنداعى كوللەدجدەردىڭ ستۋدەنتتەرىنە ارنالعان 3 جاتاقحانا سالۋ جوسپارلانۋدا.
جالپى, كەشەندى جوسپاردى ىسكە اسىرۋ ءوڭىر تۇرعىندارىنىڭ ءومىر ءسۇرۋ ساپاسىن, تابىسى مەن ءال-اۋقاتىن جاقسارتۋعا جول اشادى. الدىن الا باعالاۋ بويىنشا, 114 مىڭ جاڭا جۇمىس ورنى اشىلادى, وڭدەۋ ونەركاسىبىنىڭ كولەمى 21,6%-عا, اۋىل شارۋاشىلىعى ونىمدەرى 37%-عا, تۇرعىن ءۇيدى پايدالانۋعا بەرۋ 21%-عا, قۇرىلىس جۇمىستارىنىڭ كولەمى 60,7%-عا وسەدى. ءجوو ناقتى ءوسىمى 27,4%قۇرايدى.
پرەمەر-مينيستر بەكىتىلگەن اقتوبە وبلىسىنىڭ 2025 جىلعا دەيىنگى الەۋمەتتىك-ەكونوميكالىق دامۋىنىڭ كەشەندى جوسپارىنىڭ شارالارىن ۋاقتىلى جانە ساپالى ورىنداۋدى قامتاماسىز ەتۋدى تاپسىردى.
