قوعام • 18 تامىز، 2021

اۋىل تۇرعىندارىنىڭ قولىن ۇزارتتى

42 رەت كورسەتىلدى

«قازپوشتا» شەتەلدىك جانە وتاندىق ەلەكتروندى ساۋدا الاڭ­­دارىمەن سەرىكتەستىكتى بەلسەندى دامىتۋدا. ەندى قازاق­ستاندىقتار OZON ينتەرنەت-دۇكەنىنە بەرگەن تاپسىرىستارىن وزدەرىنە ىڭعايلى پوشتا بولىمشەلەرىنەن الا الادى. «قاز­پوشتا» شەتەلدىك ءىرى ماركەتپلەيسپەن ەل اۋماعىنا ينتەرنەت-تاپسىرىستاردى جەتكىزۋ باعىتىندا ءتيىستى كەلىسىمگە قول قويدى.

 تاراپتاردىڭ كەلىسىمىنە ساي­كەس، OZON ءوز كليەنتتەرىنىڭ تاپ­سىرىستارىن رەسەيدەن «قاز­پوشتانىڭ» سۇرىپتاۋ ورتا­لىقتارىنا جەتكىزەدى. ودان كە­يىن ۇلتتىق پوشتا وپەراتورى سا­لەمدەمەلەردى ەلىمىزدىڭ قالا­لارى مەن اۋىلدارىنا جولدايدى. سالەمدەمەلەر قازاقستان اۋما­عىنداعى 2 مىڭ پوشتا بولىمشەسى ارقىلى بەرىلەدى. ىڭعايلى پوشتا بولىمشەسىن كليەنتتىڭ ءوزى تاپسىرىس بەرۋ بارىسىندا تاڭداي الادى.

– ءبىز الەمدەگى وزگەرىستەر مەن كليەنتتەردىڭ سۇرانىسىن ەس­كەرەمىز. پاندەميا بۇرىن باس­تالعان پروتسەستەردى دامىتا ءتۇستى. ماسەلەن، ەلەكتروندى ساۋ­دا مەن ونلاين-سەرۆيستەردىڭ بەل­سەندىلىگى ارتتى. بۇل باعىتتا ين­فراقۇرىلىمى كەڭ جانە قالىپ­تاسقان لوگيستيكالىق تىزبەگى بار «قازپوشتا» دا جاقسى دامىپ كەلەدى. ەلەكتروندى ساۋدانى دامىتۋ جانە كليەنتتەرگە قولايلى جاعداي جاساۋ ماقساتىندا وتان­دىق جانە شەتەلدىك ەلەكتروندى ساۋدا الاڭدارىمەن ارىپتەستىك ورناتتىق. ءىرى ماركەتپلەيستەردىڭ بىرىنە اينالعان OZON كومپا­نياسىمەن دە سەرىكتەستىگىمىز جە­مىستى بولاتىنىنا سەنەمىز، – دەيدى «قازپوشتا» اق باسقارما توراعاسى قانات الپىسباەۆ.

«قازپوشتا» ءداستۇرلى قىز­مەت­تەر ءتىزىمىن ساقتاي وتىرىپ، سۇرا­نىسقا يە جاڭا سەرۆيستەردى ەنگىزۋدە. ونىڭ ىشىندە كومپا­نيا ەلەكتروندى ساۋدانى دامىتۋ ءۇشىن وتاندىق ينتەرنەت دۇكەندەرگە وزبەكستانعا باعىتتالعان پوش­تا جونەلتىلىمدەرىن جەتكىزۋدى، جۇك تاسىمالداۋدى، فۋلفيلمەنت-ورتا­لىقتار قىزمەتتەرىن ىسكە قوسۋدى قولعا الدى. سونداي-اق كليەنتتەرگە كەشبەك-سەرۆيس­تەر مەن Post.kz سايتىنداعى «مار­كەتپلەيستەر سورەسى» ارقىلى ءتيىمدى ونلاين-ساتىپ الۋدى، تاپ­سى­رىستاردى ەلىمىزدىڭ ەڭ شال­عاي اۋىلدارىنا دەيىن جەتكىزۋدى ۇسىنىپ وتىر.

– «قازپوشتامەن» ىنتىماق­تاستىق ورناتۋ قازاقستان بويىنشا كليەنتتەر ءۇشىن جەتكىزۋ شارتتارىن جەدەل جاقسارتۋعا مۇمكىندىك بەرەدى. ەندى رەسپۋبليكانىڭ ەڭ شالعاي وڭىرلەرىندەگى كليەنتتەر OZON-داعى تاپسىرىستارىن ۇيىنە جاقىن بولىمشەدەن الا الادى. لوگيستيكانى ودان ءارى دامىتۋ بىزگە OZON-داعى ميلليونداعان تاۋاردى قازاقستانعا جەتكىزۋ مەرزىمىن بىرنەشە ەسە قىسقارتۋعا جول اشادى، – دەيدى OZON كومپانياسىنىڭ حالىقارالىق بيزنەس جونىندەگى ديرەكتورى ستەپان گۋساموۆ.

 

سوڭعى جاڭالىقتار

پەتر يان ۇزدىكتەر قاتارىنا ەندى

جەكپە-جەك • بۇگىن، 16:05

ۇقساس جاڭالىقتار