باس مەملەكەتتىك سانيتاريالىق دارىگەر ە.قياسوۆتىڭ بايانداماسىن تىڭداعاننان كەيىن ۆيتسە-پرەمەر قابىلدانىپ جاتقان شارالار ەلدەگى ەپيدەميالىق جاعدايدى تۇراقتاندىرۋعا ىقپال ەتەتىنىن اتاپ ءوتتى.
بۇگىنگى تاڭدا ينفەكتسيالىق توسەكتىك ورىنداردىڭ تولىمدىلىعى 55%-دى, رەانيماتسيالىق توسەكتىك ورىنداردىڭ جۇكتەمەسى 47%-دى قۇرايدى. بۇل رەتتە ە.توعجانوۆ بىرقاتار وڭىردە, اتاپ ايتقاندا, نۇر-سۇلتان, شىمكەنت قالالارىندا, ماڭعىستاۋ, اتىراۋ, سولتۇستىك قازاقستان وبلىستارىندا حالىقتى ۆاكتسينامەن قامتۋ جۇمىسىنىڭ بەلسەندىلىگىنىڭ تومەن ەكەنىن العا تارتتى. سونداي-اق ول اقمولا, ماڭعىستاۋ, اتىراۋ جانە قوستاناي وبلىستارىندا تۇرعىن ءۇي اۋلالارىن ارالاۋ ارقىلى حالىق اراسىندا ەكپە جۇمىستارىنىڭ ۇيىمداستىرىلماعانىن اتاپ ءوتتى. وسىعان بايلانىستى پرەمەر-ءمينيستردىڭ ورىنباسارى انىقتالعان كەمشىلىكتەردى تۇزەتۋ بويىنشا ءتيىستى شارالار قابىلداۋدى تاپسىردى.
سونىمەن قاتار مەملەكەتتىك ورگاندارعا 2021-2022 جىلدارعا ارنالعان COVID-19-عا قارسى ءىس-قيمىل جونىندەگى جەدەل ءىس-قيمىل جوسپارىن ازىرلەۋ, قىزمەت كورسەتۋ سالاسىندا ۆاكتسينا الماعان قىزمەتكەرلەردى انىقتاۋ جونىندەگى مونيتورينگتىك توپتاردىڭ ءىس-قيمىل الگوريتمىن بەكىتۋ جونىندە تاپسىرمالار
بەرىلدى.
