كەزدەسۋ بارىسىندا ورمان شارۋاشىلىعى سالاسىنداعى ىنتىماقتاستىق جانە ارال تەڭىزىنىڭ قۇرعاعان تۇبىنە سەكسەۋىل ەگۋ ماسەلەلەرى تالقىلاندى.
سونىمەن قاتار, م.مىرزاعاليەۆ قازاقستان پرەزيدەنتىنىڭ ەكولوگيالىق جاعدايدى جاقسارتۋ ماقساتىندا ارال تەڭىزىنىڭ قۇرعاعان تۇبىندە 2025 جىلعا دەيىن سەكسەۋىل وتىرعىزۋ ارقىلى فيتومەليوراتسيالىق جۇمىستار جۇرگىزۋ مىندەتىن قويعانىن اتاپ ءوتتى. كورەيانى وسى جۇمىسقا قاتىسۋعا شاقىردى. كورەي تاراپى دا بۇل جوباعا قولداۋ كورسەتۋگە دايىن ەكەنىن ءبىلدىردى.
كەزدەسۋ سوڭىندا قر ەكولوگيا, گەولوگيا جانە تابيعي رەسۋرستار مينيسترلىگى مەن ازيا ورمان سەكتورىنداعى ىنتىماقتاستىق ۇيىمى (AfoCO) اراسىندا ورمان سەكتورىنداعى ىنتىماقتاستىق جونىندەگى مەموراندۋمعا قول قويىلدى.
ونىڭ باستى ماقساتى - قازاقستاندا ورمان شارۋاشىلىعى قىزمەتكەرلەرىن وقىتۋ جانە كاسىبي دايارلاۋدىڭ وڭىرلىك ورتالىعىن, سونداي-اق ورتالىق ازياداعى AFoCO وكىلدىگىن اشۋدى پىسىقتاۋ.
تاراپتار جاقىن ارادا اتالعان ماسەلەلەردى تالقىلاۋ بويىنشا ونلاين كەزدەسۋ وتكىزۋگە كەلىستى.
سونىمەن قاتار, كورەيا قازاقستاندى 2021 جىلعى قاراشادا سەۋل قالاسىندا, سونداي-اق ورمان شارۋاشىلىعى جونىندەگى كونگرەستە (2022 جىلعى 2-6 مامىردا سەۋل قالاسىندا) وتكىزۋ جوسپارلانىپ وتىرعان «ورتالىق ازيا – كورەيا رەسپۋبليكاسى» ىنتىماقتاستىق فورۋمىنا قاتىسۋعا شاقىردى.
