بۇگىن, 20 قاڭتاردا يران مەن «التىلىقتىڭ» تەگەران يادرولىق باعدارلاماسىنا قاتىستى جاساسقان ۋاقىتشا كەلىسىمى كۇشىنە ەنەدى. بۇل تۋرالى Azattyq.org حابارلادى.
اتالمىش كەلىسىم وتكەن جىلدىڭ قاراشا ايىندا جەنەۆادا جاسالعان ەدى. ونىڭ قاشان ىسكە اساتىنى 13 قاڭتاردا ءمالىم بولعان.
كەلىسىم بويىنشا, يران ۋراندى بايىتۋ باعدارلاماسىن ازايتۋعا, ال حالىقارالىق قاۋىمداستىق تەگەرانعا سالىنعان سانكتسيالاردى جۇمسارتۋعا مىندەتتەمە العان بولاتىن.
19 قاڭتاردا يراننىڭ يادرولىق باعدارلامالار دەپارتامەنتىنىڭ وكىلى ۋران بايىتۋدى شەكتەۋ, بايىتىلعان ۋران قورىن ازايتۋ جۇمىستارىن «ەڭ ماڭىزدى مىندەتتەردىڭ ءبىرى» دەپ اتاعان ەدى.
كەلىسىم بويىنشا, قازىرگى تاڭدا تەگەرانعا بارعان حالىقارالىق ساراپشىلار يادرولىق نىسانداردى ارالاۋعا رۇقسات كۇتىپ جاتىر.
ۋاقىتشا كەلىسىم التى ايدان سوڭ اياقتالادى. بۇل التى اي ىشىندە يران مەن التى ەل بۇدان دا ءىرى كەلىسىم جاساسۋ ماقساتىندا كەلىسسوزدەردى قايتا جالعاستىرماق.
اقش جانە بىرقاتار باتىس ەلدەرى بۇعان دەيىن يراندى يادرولىق قارۋ جاساۋعا ۇمتىلىپ جاتىر دەپ قاۋىپتەنگەن. يرانعا ۋران بايىتۋدان باس تارتقىزۋ ءۇشىن بىرقاتار سانكتسيالار دا سالىنعان ەدى. الايدا, يران بارا-بارا يادرولىق قارۋ جاساۋعا نيەتى جوق ەكەنىن بايقاتىپ كەلەدى.
ايدار ورىسباەۆ.
دەرەككوز: Azattyq.org
فوتو: Reuters.com
