فوتو: اشىق دەرەككوز
دەنساۋلىق ساقتاۋ مينيسترلىگىنىڭ مالىمەتىنشە, سوڭعى اپتادا قىزىلشانىڭ 212 جاعدايى تىركەلگەن, ال ونىڭ الدىنداعى اپتادا بۇل كورسەتكىش 302 بولعان. بۇل ەپيدەميولوگيالىق احۋالدىڭ بىرتىندەپ تۇراقتانىپ كەلە جاتقانىن كورسەتەدى.
وڭىرلەر بولىنىسىندە ەڭ كوپ جاعداي استانا قالاسىندا – 46, پاۆلودار وبلىسىندا – 38, الماتى قالاسىندا – 20, قاراعاندى وبلىسىندا 19 جاعداي تىركەلگەن.
2025 جىلدىڭ قورىتىندىسى بويىنشا ەلدە 4 240 جاعداي انىقتالعان. ونىڭ ىشىندە 76,4%-ى ەكپە الماعان ازاماتتارعا تيەسىلى. ەكپە الماعانداردىڭ اراسىندا بالالاردىڭ ۇلەسى باسىم – بۇعان اتا-انالاردىڭ ەكپەدەن باس تارتۋى, مەديتسينالىق قارسى كورسەتىلىمدەر نەمەسە جاس ەرەكشەلىگى سەبەپ بولىپ وتىر.
بالالاردى قىزىلشادان قالاي قورعاۋ كەرەك؟ دارىگەر كەڭەسىنە نازار اۋدارىڭىز
جىل باسىنان بەرى جوسپارلى ۆاكتسيناتسيالاۋ جالعاسىپ جاتىر. قازىرگى تاڭدا 1 جاستاعى 69 مىڭ بالا جانە 6 جاستاعى 66,8 مىڭ بالا ەكپە العان. سونىمەن قاتار, قوسىمشا يممۋنداۋ اياسىندا شامامەن 1,5 ملن ادام قامتىلدى.
بۇدان بولەك, تولىقتىرۋشى يممۋنداۋ جۇرگىزىلىپ جاتىر – جىل باسىنان بەرى 18 جاسقا دەيىنگى 58,2 مىڭ بالا مەن ءجاسوسپىرىم ۆاكتسيناتسيالانعان.
جالپى, ەلىمىزدەگى ەپيدەميولوگيالىق جاعداي تۇراقتى باقىلاۋدا تۇر. ماماندار قىزىلشانىڭ الدىن الۋدىڭ ەڭ ءتيىمدى جولى ۆاكتسيناتسيا ەكەنىن تاعى دا ەسكە سالادى.
