گرانتتىڭ ەڭ كوپ بولىگىن نۇر-سۇلتان جانە الماتى قالاسىنان, سونداي-اق قىزىلوردا جانە پاۆلودار وبلىسىنان كەلگەن تۇلەكتەر الدى. اتالعان مەدال وقۋشىلارعا ۇپاي سانى تەڭ بولعان جاعدايدا گرانتتى ۇتىپ الۋعا باسىمدىق بەرەدى.
«ەلباسى اكادەمياسى جوبالارىنىڭ ءاربىر قاتىسۋشىسى - بىزدىڭ ماقتانىشىمىز. «ەلباسى مەدالى» جوباسى دارىندى جاستاردىڭ, اسىرەسە اۋىل بالالارى ءۇشىن تابىسقا جەتۋىنە ماڭىزدى قولداۋ بولاتىنىن كورىپ وتىرمىز. جاقىن ارادا وسى ماقساتتا تاعى دا بىرنەشە جوبانى جۇزەگە اسىرۋ جوسپاردا بار. تۇرعىلىقتى جەرىنە قاراماستان, ءاربىر جاس قازاقستاندىقتى جوبالارعا قاتىسۋعا شاقىرامىز», دەدى «ەلباسى اكادەمياسى» كق ديرەكتورى اسلانبەك امرين.
«ەلباسى مەدالى» جوباسىنا بارلىعى 21 مىڭنان استام بالا قاتىستى. ونىڭ ىشىندە 6 078 قاتىسۋشى باعدارلامانى اياقتاپ, قولا جانە كۇمىس مەدال يەلەندى.
ەستەرىڭىزگە سالا كەتەيىك, بۇل – جاستاردى كەشەندى دامىتۋعا باعىتتالعان ۇلتتىق دەڭگەيدەگى جوبا. باعدارلاما 7 نەگىزگى باعىتتان تۇرادى: سپورت, دارىن مەن داعدى, كىتاپ وقۋ, ۇلتتىق مۇرا, ۆولونتەرلىك, ساياحات مەن جورىقتار, ەڭبەك تاجىريبەسى.
باعدارلاما 14 پەن 29 جاس ارالىعىنداعى جاستارعا ارنالعان.
