قازاقستان • 17 تامىز، 2021

قازاقستان مەن كورەيا اراسىندا «سامال جەل» باعدارلاماسى جاندانادى

59 رەت كورسەتىلدى

قازاقستان مەن كورەيا «سامال جەل» باعدارلاماسىن جانداندىرۋعا ۋاعدالاستى، دەپ حابارلايدى Egemen.kz.

وسى ارقىلى قازاقستانعا جاڭا ينۆەستيتسيا مەن جوعارى تەحنولوگيالار كەلەدى. سونداي-اق ەكىجاقتى ىقپالداستىققا تىڭ سەرپىن بەرۋ ءۇشىن پۋساندا قازاقستاننىڭ باس كونسۋلدىعى اشىلماق. بۇل تۋرالى قاسىم-جومارت توقاەۆ پەن مۋن چجە ين كەلىسسوزدەردىڭ قورىتىندىسى بويىنشا بريفينگتە ايتىلدى.

قاسىم-جومارت توقاەۆ كورەيا قازاقستاننىڭ ازيا ايماعىنداعى ەكىنشى ساۋدا سەرىكتەستىگى ەكەنىن ايتا كەلە، وتكەن جىلدىڭ قورىتىندىسى بويىنشا ەكى ەلدىڭ ساۋدا-ساتتىق كولەمى 5،9 ملرد دوللارعا جەتكەنىن جەتكىزدى. الداعى مەجە – وسى كورسەتكىشتى ايتارلىقتاي ارتتىرۋ. قوس تاراپ كەلىسسوزدەر بارىسىندا ەندى شيكىزاتتىق ەمەس تاۋار اينالىمىن ۇلعايتىپ، ونى ارتاراپتاندىرۋعا كەلىستى. بۇل رەتتە اۋىر ونەركاسىپ پەن ماشينا جاساۋ، تاۋ-كەن جانە بارلاۋ، بالامالى ەنەرگەتيكا سالالارىنا باسىمدىق بەرىلمەك.

«قازاقستاندا يننوۆاتسيالىق وندىرىستەرگە دەگەن سۇرانىس جوعارى. اسىرەسە كوممۋنيكاتسيا، اۋىل شارۋاشىلىعى، مەديتسينا جانە فارماتسەۆتيكا جوبالارىنا باسا ءمان بەرەمىز. كورەيانىڭ تاجىريبەسى مول، الەۋەتى دە زور. وسىعان وراي بۇگىن ەكى ەلدىڭ كومپانيالارى  بىرقاتار كەلىسىمشارتقا قول قويادى. قازاقستاندا ءالى دە تولىق يگەرىلمەگەن سالالار كوپ. سوندىقتان قازاق جەرىنە كەلۋگە ىنتالى كورەي كومپانيالارى مەن كاسىپكەرلەرىنە جان-جاقتى قولداۋ كورسەتۋگە دايىنبىز. ءبىز ساۋدا-ەكونوميكالىق ىنتىماقتاستىق جونىندەگى  قازاقستان-كورەيا ۇكىمەتارالىق كوميسسياسى مەن ىسكەرلىك كەڭەستىڭ جۇمىسىن جانداندىرۋعا ۋاعدالاستىق. ەكىجاقتى ىقپالداستىققا تىڭ سەرپىن بەرۋ ءۇشىن پۋساندا قازاقستاننىڭ باس كونسۋلدىعىن اشۋ تۋرالى شەشىم قابىلدادىق. بۇل – سەرىكتەستىگىمىزدى ستراتەگيالىق رۋحتا دامىتۋدىڭ تاعى ءبىر جولى. كەلەسى جىلى قازاقستان مەن كورەيانىڭ ديپلوماتيالىق قاتىناس ورناتقانىنا 30 جىل تولادى»، دەدى قازاقستان رەسپۋبليكاسىنىڭ پرەزيدەنتى قاسىم-جومارت توقاەۆ.

سوڭعى جاڭالىقتار

پاگانيني

ونەر • كەشە

وتىز جىلدىققا وي قورىتقان

قازاقستان • كەشە

ۇقساس جاڭالىقتار